Parlamenterê HDP'ê Omer Faruk Gergerlîoglu, anî ziman ku di pêvajoya şewba corona de di cinayetên kar de tiştek nehatiye guhertin. Gergerlîoglu, ji bo 28'ê Nîsanê bibe “Roja bîranîn û şîna kesên di cînayetên kar de jiyana xwe ji dest didin." pêşniyarnameya qanûnê da meclîsê.
Serokwekîla Koma HDP’ê Meral Daniş Beştaş, xerakirina goristanan bir rojeva meclise û ev pirs kir: “Leşker rayeya xerakirina goristanan ji kê digirin?”
HDP’ê bi boneya 1’ê Gulanê daxuyanî û got: “Li Tirkiyeyê, ji mîlyonekê zêdetir koçber ji kar hatin avêtin û terkî birçîbûnê hatin kirin.”
Hevseroke Giştî yê DBP’ê Keskîn Bayindir, diyar kir ku divê kurd ji pêkanînên ku bên dijberî hev dûr bisekinin û ev tişt got: “Aliyên ku ji bo kurdên di bin dorpêçê de ne berpirsyariya wan heye, divê polîtîkayên xwe li gorî yekitiye neteweyî hilberînin.”
Pispora Rojhilata Navîn Hamîde Yîgît, diyar kir li Îdliba ku tansiyonê lê bilind e, heke Tirkiye sozên ku daye komên selefî bi cih neyne, dibe ku berê çekan bikeve Tirkiyeyê.
Parlamenterê HDP'ê Hîşyar Ozsoy, rûpoşên ku diviya bû bê pere li welatiyan bihatina belavkirin û hêj nehatine belavkirin bir rojeva meclîsê û xwest Wezîr Koca bibersivîne.
Parlamentera HDP’ê Feleknas Ûca rewşa girtiyên Girtîgeha Şakranê bir rojeva Meclîsê û xwest pêşniyaza NY’yê ya têkildarî girtiyan bicih were.
Parlementera Koma YNK’ê ya Iraqê Arezû Mehmûd diyar kir ku YNK ne li gel derketina şerê navxweyî û sîstemeke dû îdareyîne li herêmê û got, “Destpêkê hêz bi sedema korona çûn herêmê, paşê mijar bû siyasî û Tirkiyeyê jî êrîş kir. Me li dijî van binpêkirinên Tirkiyeyê nerazîbûnên xwe gihand rayedarên Iraqê û xwest helwestê li hember êrîşên Tirkiyeyê nîşan bidin.”
Hevseroka HDP’ê Pervîn Bûldan diyar kir ku di vê pêvajoya şewba koronayê de tundiya li dijî jinan zêde bûye û got: “AKP bi qasî şewba koronayê jiyana civakî tehdît dike.”
Parlamenterê HDP'ê yê Şirnexê Huseyin Kaçmaz, bal kişand ser rewşa girtiyên li Girtîgeha Dîlok, Hîlvan û Gebzeyê ku bi şika şewba vîrûsê ne û diyar kir ku tedbîr nayên girtin. Kaçmaz, ji Wezîrê Dadê Abdnulhamît Gul pirsa "Agahiya we ji rewşa van girtiyan heye?" pirsî.
HDP’ê têkildarî salvegera Qirkirina Ermenan a 105 sal berê pêk hat daxuyanî da û got: “Em bi şerma Qirkirina Ermenan re rûbirû dibin û qûrbaniyan bi rêzdarî bibîr tînin.”
HDP’ê têkildarî Mustafa Koçak ê di roja 297’emîn a rojiya mirinê de jiyana xwe ji dest da got ew bang li her kesî dikin ku li dijî siyaseta kujer a îqtîdarê derkevin û têkoşîna parastina jiyanê bidin.
Parlementerê CHP'î Ozgur Karabat, bertek nîşanî astengkirina kampanyayên alîkariyê yên şaredariyê dan û vê helwestê wekî "rûdaneke din a feraseta qeyûmkerî ya AKP'ê" û Parlementera HDP'î Huda Kayan jî got, îqtidar bi "hîsteriya tolgirtinê" tev digere.
Hevserokê Giştî yê HDP'ê Mithat Sancar, diyar kir ku Meclîsa Yekemîn xwedî pir rengî û pir dengî bû û wiha got: "Meclîsa Yekemîn di Destûra Bingehîn a 1921'an de Xweserî di zagonê de bi cih kir û mîsoger kir. Ger ku hûn rizayê dixwazin, yekîtiyê dixwazin wê demê divê hûn muzakereyê qebûl bikin."
Hevberdevka Komîsyona Rêveberiya Xwecihî ya HDP’ê Hediye Karaaslan da zanîn ku AKP li dijî şaredariyên HDP’ê û CHP’ê bi sînordardarkirina rayeya xwe sûc dike.