Hevseroka DAD'ê Kadriye Doganê diyar kir ku wan bi pêşengiya jinên elewî li dijî qetlîamên li Sûriyeyê "Însiyatîfa Jinan a ji bo Sûriyeyê" ava kiriye û bang li hemû jinan kir ku di 24'ê Nîsanê de li Hatayê beşdarî çalakiya "xeleka jimirovan" bibin.
Parêzerên OHD'î diyar kirin ku tecrîda li ser Abdullah Ocalan didome û gotin ku qanûnên navneteweyî pêkanîna "mafê hêviyê" ferz dikin.
Îtîraza li dijî girtina Şaredarê Bajarê Mezin ê Stenbolê Ekrem Îmamoglû û şêwirmendê wî Mûrat Ongun hate kirin, hate redkirin.
Koordînasyona Şopandina Binpêkirinên Mafan da zanîn ku li Girtîgeha Hejmar 1 û Hejmar 2 ya Sîncanê mafên tenduristiyê, azadiya xweîfadekirinê, agahîgirtin û mafên civakî tên binpêkirin û ev yek tên wateya binpêkirina qedexeya îşkence û miameleya xerab.
Di danişîna doza duyemîn a cînayeta Narîn Guranê de ku 15 kes ji ber îdiaya “îltîmas ji sûcdar re kirine” tên darizandin, daxwaza beşdarbûnê ya UCÎM û Wezareta Malbat û Xizmetên Civakî hate qebûlkirin.
Rejîma Îranê bi îdiaya “xerakirina ewlehiya neteweyî” 4 sal û 8 meh cezayê hefsê da lîstikvana Kurd Şohra Qemer.
Rojnamegeran bertek nîşanî cezayê hefsê yê li rojnameger Necla Demîr Arvas hatiye birîn dan û gotin mafê agahîgirtinê yê gel hatiye astengkirin.
Xalê Jîna Emîniyê Sefa Eylî hate girtin û şandin Girtîgeha Seqizê.
Di danişîna doza rojnameger Necla Demîr Arvasê de 2 sal û mehek cezayê hefsê û biryara tehliyeyê hate dayin.
Dema doza Narîn Guranê didomiya li pêşiya edliyeyê daxuyanî hate dayin û bang li darazê hate kirin ku heqîqeta cînayetê derxînin holê.
Cûma Çat ku li nexweşxaneya lê dihat tedawîkirin jiyana xwe ji dest da, li Mêrsînê hate definkirin.
Şandeya Îmraliyê ya DEM Partiyê dê di 18’ê Nîsanê de bi Wezareta Dadê re hevdîtinê bike.
DEM Partiyê, bi boneya 37’emîn salvegera Komkujiya Enfalê daxuyanî da û kesên di komkujiyê de hatine qetilkirin bi bîr anî. DEM Partiyê got: “Me ji bîr nekir, me efû nekir û dê ji bîr nekin.”
Li Geliyê Botanê ku her sal bi hezaran geştiyar diçin serdana wê, qûleyeke leşkerî hate avakirin.