Kazim Ekîncî ku bavê wî Şemsettîn Ekîncî piştî 30 salan hatibû berdan û 6 meh piştre jiyana xwe ji dest dabû, got: “Bavê min jiyana xwe ji dest da, bila yên din sax derkevin. Heke îktîdar jidil be, bila tavilê girtiyên nexweş tehliye bike.”
Rejîma Îranê 3 girtiyên Kurd bi veşarî darve kir û beriya darvekirinê nehişt girtî bi malbatên xwe re hevdîtinê bikin.
Serokê Rûmetê yê ÎHD’ê Akin Bîrdal, diyar kir ku divê tavilê nav li pêvajoya ji bo çareseriya pirsgirêka Kurd hatiye destpêkirin were kirin û bi demê re neyê vehêlandin. Koordînatorê Ekopolîtîkê Tarik Çelenk jî got: “Çareserî, bi edaletê dibe.”
Eşref Aker ku hevjîna wî Felem Aker yek ji girtiyên nexweş e, diyar kir ku divê astengiyên li dijî girtiyên nexweş bên rakirin û got: “Îktîdar, girtiyên nexweş weke gefekê bi kar tîne. Bi vê helwestê dê pêvajo çawa bidome?"
Dadgerê DMME’yê yê berê Riza Turmen bal kişand ser pêvajoyê û got: “Ev pêvajo firsendekî mezin e. Lê li pêşiya wê astengiya herî mezin, rejîma zextker a li Tirkiyeyê ye.”
Hevşaredara Qaxizmanê Guner Hatay ku li şûna wê qeyûm hatiye tayînkirin, diyar kir ku bi qeyûm re projeyên wan ên ji bo rê, av, Bazara Keda Jinê, xebatên kooperatîfê û Mor Kafeyê jî hatine sekinandin.
Ji bo endamê HPG’ê Bariş Ozden hat xwestin li gundê Taşkesanê yê navçeya Giyadînê şîn were danîn lê leşkeran asteng kir. Malbatê, diyar kir ku astengkirina şîna wan her wiha jidilbûna dewletê ya ji pêvajoya aştiyê jî nîşan dide.
Ecevît Ozgul ê ku 31 salan girtî bû, ji Girtîgeha Tekîrdagê tehliye bû û got: “Divê em ji têkoşîna xwe, ji rêbertiya xwe û ji tevgera xwe bawer bin.”
Wekîla DEM Partiyê Pervîn Buldan ku weke Serokwekîla Meclisê hatibû hilbijartin, di axaftina xwe ya ewil de Sirri Sureyya Onder bi bîr anî û got: “Girîng e ku Meclis berpirsyartiya xwe ya dîrokî bi cih bîne.”
Serokkomar ê AKP’î Recep Tayyîp Erdogan beriya Lûtkeya NATO'yê li balafirgehê daxuyanî da û der barê pêvajoyê de wiha got: "Ev pêvojoya ku wek polîtîkayek dewletê ye, em ji bo serketina wê amade ne.”
Di şewata li navçeya Dêrikê derketibû de welatiyê bi navê Adîl Çelîk ê 80 salî jiyana xwe ji dest da.
Enver Yanik ê li Girtîgeha Hejmar 1 a Kiriklarê tê ragirtin, 22 roj in di greva birçîbûnê de ye û nexweşê Wernicke-Korsakoff ê ye. Rewşa Yanik giran bû û rakirin nexweşxaneyê.
Parêzer Rezan Sarica di daxuyaniya têkildarî Çetîn Arkaş ê tehliyeya wî hate taloqkirin de axivî û got ku ev polîtîkaye li dijî pêvajoya heyî ye.
Tehliyeya Mehmet Bahattîn Oncu ku li Girtîgeha Tîpa S a Bodrumê tê ragirtin û 30 sal in girtî, hate taloqkirin. Lijneya ku tehliye taloq kir, bêyî ku xwe li benda encama îtirazê bigire, bi lez û bez biryar bi dadgehê da erêkirin.