Endama DAKAP'ê Deniz Aktaş, diyar kir ku dê di 5-6'ê Çile de li Stenbolê hevdîtina jinên Tirkiye pêk bînin û wiha got: "Jin dê bi vê hevdîtinê li dijî êrîşên dewletê yên li hemberî jinan bi yêkîtî û yekbûnek xurttir rawestin û bibin bersîv."
Felek Akan ku di dikana xwe de nanê tenûrê çêdike û pê debara xwe dike got: "Divê jin li ser piya bisekinin, muhtacî kesî nebin."
Jinan li Amedê, bi tevlêbûna sedan jin û şahiyekê Navenda Jinê ya Rosayê vekir. Jinan di vekirina Komeleya Rosa de 52'emîn roja çalakiya greva birçîbûnê ya Hevseroka KCD'ê Leyla Guven slav kir.
Jinan li Edeneyê ji bo piştevaniya jinên girtî kartên sersalê ji wan re şand.
Aktîvîsta TJA’yê Ayşe Gokkan diyar kir ku bi sedan jinan ji bo hilbijartina herêmî serî li wan daye û serlêdana jinan veguheriye çalakiyek rengîn.
Huseyîn Tîller ê ji ber kuştina Eylem Tîller tê darizandin, di danişînê de bi hinceta “Pirsgirêkên wê yên derûnî hebûn” xwest xwe biparêze û îdîa kir ku Eylem întîxar kiriye. Dadgehê, biryar da ku girtina Huseyîn Tîller berdewam bike.
Saziyên Jinan ên Stenbolê, karkerên Flormarê yên jin ku 226 rojin di çalakiya grevê de ne ziyaret kirin. Parlamentera HDP'ê ya Enqereyê Fîlîz Kerestecioglu jî tev li ziyaretê bû.
Li Tirkiyeyê ji 50 hezar û 292 keyayan tenê 674 jê jin in. Yek ji van keyayan jî keyaya ewil a navçeya Pulumiriyeyê Perîhan Pekîn e. Wê Pekîn ji bo hilbjartina herêmî ya 31'ê Adarê dîsa bibe namzet. Pekîn, diyar kir ku keyayên jin ji bo hilbijartinên nû wêrekiyê li gelek namzetên jin peyda dikin û divê jin di hemû merhaleyên rêveberiyên herêmî de cih bigirin.
Platforma Jinan a Edeneyê neşopandina dosya tacîzê ya li dijî Gamze A ku bi awayekî rêk û pêk jiya îtîraz kirin. Jinan, bertek nîşanî birşara dozger dan û gotin: "Çima guh nedan îfadeya mexdûr û çima guh dan îfadeya kesê bi şik."
Meclîsa Jinan a HDP'ê ya Mêrdînê ji bo jinên siyasetmedarên girtî kartên sersalê şandin û peyama piştevaniyê dan.
Li Amedê jin bi civînek organîzasyona DAKP hatin gel hev û mijara têkoşîna êrîşên li dijî jinan nîqaş kirin. Jinan tayînkirina qeyûmên şaredariyan wek “dagirkirin” nirxandin û vê peyamê dan: “Em ê bi hêz xwe rêxistin bikin. Ya em ê bibin yek ya jî em ê yek bi yek tune bibin.”
DAKP’ê bi sernavê “Jin bi hevre bi hêzên” berî Hevdîtina Jinên Tirkiyeyê hatin gelhev û li ser dê çawan têbikoşin nîqaş kirin.
Li Dersimê bi sedan sal e çanda kofiyan didome. Du wateyên kofiyan hene; yên bi reng remza xwezaya jina, yên reş jî li hemberî komkujiyan remza gazindê ye.
Doç. Dr. Melda Yaman bal kişand ser gotinên hikûmetê yên “Krîz tuneye” û got: “Li dijî krîzê têkoşîn dayîn, di hemê de li dijî desthilatdariya zilam jî têkoşîn dayîne.”
Li Dîlokê tekane jina hostaya sedef Nûrgul Turkmen, diyar kir ku her roja diçe sedefkarî paşve diçe û got: “Ji ber kriza aborî malzeme pir giran bûne. Em hewl didin li ser piyan bimînin.”