Wekîlê Serokê Koma HDP’ê Sarûhan Olûç diyar kir ku operasyonek muhtemel a li dijî Rojava ne çareseriye û got: “Îtîfaqa AKP-MHP’ê li ber têkçûnê ye. Dixwazin îktîdara wan a ku diheje bi operasyonek eskerî ya li dijî Sûriyê qehîm bikin.”
Berdevkê HDP’ê Gunay Kubîlay diyar kir ku hedef nîşandana Kemal Kiliçdaroglu ya ji aliyê Devlet Bahçelî ve pêk tê “operasyona bêdengkirina CHP’ê ye” û ji ber nikaribûn HDP’ê tecrîd bikin niha jî berê xwe dane CHP’ê.”
Endama Koordînasyona Kongreya Star Asya Abdullah, têkildarî amadekariyên konferansa 3'emîn, diyar kir ku hevdîtinên wan gelek erênî pêk hatin. Abdullah, destnîşan kir ku Konferansa Jinên Kurd wê bibe bingeh û amadekariya Konferansa Neteweya Kurd û Kurdistanê jî. Abdullah, konferansa CHP'ê ya Neteweya Sûriyeyê jî nirxand û got: "Dema pirsgirêkek tê niqaşkirin divê xwediyê wê pirsgirêkê jî li wir amade be. Yên ji bo çareseriyê têdikoşin ne amade ne. Ji ber vê yekê ev tim seqet û bê encam dimîne."
Cîgirê Hevserokên HDP’ê yê ji Têkiliyên Derve Berpirsiyar Hişyar Ozsoy diyar kir ku ji bo Tirkiye bikeve Rojava israr dike û got: “Heke Tirkiye êrîşî Rojava bike dê xeletiyên micid pêk werin.”
Hîndekarê Beşa Zanista Siyasetê û Têkiliyên Navneteweî ya Zanîngeha Open a Îngîltereyê Doç. Dr. Cengîz Guneş, ji bo Komîsyona Qanûna Bingehîn ku ji bo pêşeroja Sûriyeyê hat avakirin got: "Komîsyoneke ku Rêveberiya Xweser daxilî wê neyê kirin wê bi ser nekeve."
Hevseroka Rêxistina HDP’ê ya Amedê Hulya Alokmen Uyanik helwesta hikumeta AKP û MHP’ê ya li hember HDP’ê wek tolhildanek siyasî nirxand û got: “Ev hikumet dixwaze bi hewldanên nijadperest ên tayînkirina qeyûman, anîna malbatan a li ber HDP’ê û amadekariyên şerek li dijî Rojava li ser pêya bigire.”
Hevserokê Giştî yê HDP'ê Sezaî Temellî diyar kir ku welat mehkûmî hiqûqa tecrîdê hatiye kirin û got: "Niha li 4 erdnîgariyan nêzî 45 milyon kurd dijîn. Eger em vê nehesibînin, em ê li vî welatî nikaribin aştiyê ava bikin. Ji bo vê îktîdarê soza me komara demokratîk, aştiyeke birûmet e."
Tevgera Azadî ya Civaka Kurdistanê (Tevgera Azadî) helwesta xwe ya li ser lîsteya Hevpeymana Kurdistanî eşkere kir û bi tundî civîna 9 partiyên siyasî yên Başûrê Kurdistanê rexne kir. Tevgera Azadî diyar kir ku ew ji bo civînê nehatine vexwendin û got: "Eger di pêşerojê de vê helwestê sererast nekin wê helwesta me hebe."
Li bajarên rojavayê Tirkiyeyê, bûyerên lînçkirina kurdan zêde dibin. Parlementerê HDP'ê yê Sêrtê Siddik Taş, anî ziman ku sedema vê yekê zimanê cihakariyî û şidetî yê Erdogan û îktîdarê ye û got: "Hikûmeta AKP'ê di ser dijminatiya xwe ya bi kurdan re li ser piya disekine."
Endamê DÎB’ê Erdogan Aydin ê di Nobeta Demokrasiyê de axivî wiha got: “Mafê hilbijartinê yê kurdan hatiye binpêkirin. Hûn ji bo ala demokrasî û edaleta Tirkiyeyê ba bibe têdikoşin.”
Nobeta Demokrasiyê ya li Mêrdînê li navçeya Qoserê dewam kir. Girseyê stran got lê polîsan hewl da asteng bikin. Jinek ji nav girseyê qîr kir û got: “Hûn nikarin stran û kilamên me bêdeng bikin.”
Endama Rêveberiya TEV-DEM'ê Foza Al Yusuf, bal kişand ser civîna Rûsya Îran a li Enqereyê û diyar kir ku ev civîn berdewama Astanayê ye û dixwazin pergala Netew-Dewletê li Sûriye biparêzin û got: "Berdewama pergala beriya salên 2011'an ji bo gelê Sûriye întîxar e." Yusuf, ziyareta Serokomar Erdogan a DYA'yê jî nirxand û diyar kir ku xuya dibe Erdogan tişta dixwest li DYA'yê bi dest nexistiye. Yusuf, hewldanên herêmê yên dîplomasiyê jî bibîrxist û anî ziman ku hewldanên dîplomasiyê didomin. Lê 100 salin li ser gelê Kurd ambargoya dîplomasî heye. Yusuf, da zanîn ku êdî Kurd xwedî hêz in û Kurd li ku bin ew der bi hêz e.
Hevberdevkê HDP'ê Gunay Kûbîlay, diyar kir ku Serokê Giştî yê AKP'ê qeyûm tayînê vîna 20 mîlyon welatiyan kir û derbarê Erdogan ê di NY a de jî axivî wiha got: "Hat fêmkirin ku Erdogan çima vê carê behsa vîna gel nekir. Ji xwe nedikarî behs bike. Desteya Giştî ya Neteweyên Yekbûyî ne Studyoya A Haberê ye. Erdogan mîna Efrînê dixwaze paqijiya etnîkî bike. "
Wekîlê Serokê Koma HDP’ê Sarûhan Olûç diyar kir ku pakêta darazê duh bi şev dane HDP’ê û got: “Pakêt bersiv nade pêdiviyan. Dê tu rola pozîtîf neleyîze. Neçarin ku di TMK û TCK’ê de di warê mijara azadiya raman û îfadekirinê guhertinên micid pêk bînin.”
Di rojeva hevdîtinên şandeya HDP’ê yên DYA’yê de, pêşketinên siyasî yên li Tirkiyeyê, biryara ji nû ve girtina Hevserokên Giştî yên HDP’ê yên berê Fîgen Yuksekdag û Selahattîn Demîrtaş û qeyûm tayînî şaredariyên HDP’ê kirin, hebûn.