Rêberê Gelê Kurd Abdullah Ocalan ji bo konferansa “Konferansa Sedsaliya Serhildana Şêx Seîd, Tevgera Azadî, Şêx Seîd û hevalên wî, bîr û îtiraza kolektîf” re peyam şand û got: “Xeta Şêx Seîd dema ku bi paradîgmaya neteweya demokratîk a îroyîn re were hevgirtin, ew ê wateya xwe ya rastîn bi dest bixe.”
Cemiyeta Rojnamegerên Dixebitin a Şirnexê, têkildarê gefên li rojnameger Zeynep Durgut hatine xwarin daxuyanî da û got: "Em li dijî vê zîhniyetê bê deng namînin û em bi hempîşeya xwe re ne.”
Ji bo îtîraza li dijî biryara bihincet a Doza Kobanê ku 32 hezar û 600 rûpel e û xwendina wê bi mehan naqede, tenê 7 roj dem hate dayin. Endama Komîsyona Hiqûqê ya DEM Partiyê Nûray Ozdogan got: “Bi vê re mafê parastinê hatiye bisînorkirin. Mimkin nîne di 7 rojan de bê lêkolînkirin.”
Malbat û wasiyê Rêberê Gelê Kurd Abdullah Ocalan ji bo hevdîtinê serî li Serdozgeriya Komarê ya Bursayê û Midûriyeta Girtîgeha Îmraliyê dan.
Tehliyeya Hevşaredara Qereyazi ya Erziromê ya berê Melîke Goksû bo 3 mehan hate astengikirin.
Hevberdevkê Demê yê Platforma Parastina Bajar û Piştevaniyê ya Amedê Mahsûm Çiya Korkmaz diyar kir ku divê îktîdar ji bo çareseriya pirsgirêka Kurd gav biavêje û operasyonên leşkerî bide sekinandin.
Şaredariya AKP’î ya Stewrê ji roja dest bi kar kirî heta niha tevî hişyariya derhiqûqtiyê ya Dîwana Çavdêriya Darayî jî 5 îhaleyên bihayê wan 77 milyon TL digire, bi îdiaya “ewlehiyê” û bi rêbaza “bazariyê” kir.
Hevberdevka HDK'ê Meral Daniş Beştaş diyar kir ku mezintirîn pêdiviya welat aştî ye û got: "Geşedanên li Rojhilata Navîn ji Tirkiyeyê re dibêjin 'pirsgirêkên xwe çareser bike.' Em, nûnertiya Rêya Sêyemîn dikin. Dixwazin Rojhilata Navîn demokratîk bibe."
Nûran Seçkîn a ku di şer de 4 kes ji malbata xwe winda kir, wiha got: "Li ber serê me şerê Îsraîl-Îranê heye. Divê aştî bê kirin. Hewceye dewlet ji bo vê gavên lezgîn û şênber biavêje."
Yûsûf Doner ku cenazeyên 2 zarokên wî di bin payerêya Kîlyosê de hatine definkirin, got: “Min dixwest bimirim lê zarokên xwe di bin wê payerêyê de nebînim. Tevî van êşan jî heke aştî bibe dê êşa me siviktir bibe.”
Li Şirnexê 5 herêm weke “herêmên ewlehiya taybet” hatin ragihandin.
Zarokê 18 mehî Mehmet Uytun li Cizîrê bi fîşeka gazê ya ji hêla leşkerekî ve hatibû avêtin, jiyana xwe ji dest da. Ev 4 danişînin hêj nehatiye bersivandin ka ev bombeavêj di envantera TSK’ê de heye yan na.
Rojnameger Zeynep Durgut ku ji ber teşhîrkirina “Çeteya Fihûşê” malbata Tatar gef lê xwaribû, serlêdana sûc kir. Bi boneya piştevaniya bi Zeynep Durgutê re li pêşiya edliyeyê daxuyanî hate dayin û soza têkoşîna li dijî vê zîhniyetê hate dayin.
Hevserokê Giştî yê DBP’ê Keskîn Bayindir di kongreya partiya xwe ya Geverê de axivî û got: “Têkoşîna sedsalî ya gelê me dê bi Rêberê Gelê Kurd Abdullah Ocalan re bi ser keve.”