Di encama polîtîkayên desthilata AKP'ê de ku tundiya li ser jinê rewa dikin, di 6 mehan de 250 jin hatin qetilkirin. Seroka Komeleya Jinan a Rosayê Sûzan Îşbîlenê diyar kir ku têkoşîna azadiya jinê dikare bike ku desthilat paş ve gavê bavêje û got: "Divê desthilat dest ji rewakirina êrişan berde."
Li welatên Îskandînav jinan nerazîbûn nîşanî tecrîda dijwar a li ser Rêberê PKK'ê Abdullah Ocalan da û bi sedan name ji CPT’ê re şandin.
Jinan bertek nîşanî tayînkirina qeyûm a li Şaredariya Colemêrgê dan û wiha gotin: “Qeyûm, êrişa li dijî pergala hevserokatiyê û îradeya jinan e. Ji Îzmîrê heta Colemêrgê em serhildana xwe ya li dijî qeyûm mezin dikin.”
Komek jinên femînîst ku çûn serdana Şaredariya Bajarê Mezin a Wanê, diyar kirin ku ew li dijî qeyûman îradeya gel diparêzin û banga xwedî derketina li şaredariyan kirin.
Li gorî çeteleya tundiyê ya meha hezîranê ya JINNEWS’ê, 37 jin hatin qetilkirin û 7 jinan bi awayekî guman jiyana xwe ji dest dan.
Xizmên Naciye Oturmak a li Farqînê bi awayekî guman jiyana xwe ji dest dayî diyar kirin ku tundiyeke sîstematîk lê dihat kirin û xwestin ku Hekîm Oturmak ê piştî îfadeya li qereqolê hatiye berdan bê girtin.
Jinên femînîst ên ji bo piştevaniya bi jinên kurd re hatin Kurdistanê li ber Şaredariya Geverê tayînkirina qeyûm şermezar kirin û wiha gotin: “Qeyûm ji bo jinan bi sînor bikin çavkaniyên cemaweriyê xerc dikin. Em ji qeyûman re dibêjin na.”
Siyasetmedara kurd Sebahat Tûncel a di hevdîtina bi jinan re axivî, îşaret kir ku pêkanîna qeyûm bûye rejîmek û di serî de jî bandorê li jiyana jinan dike û got: “Qeyûm êrişeke li dijî pergala hevserokatiyê, xeta me ya azadîxwaziya jinê hatiye kirine. Weke jin divê em li dijî qeyûman rêyên têkoşînê ava bikin.”
Meşvanên jin ên ku tev li “Meşa Rêzgirtina ji Vînê re” bûn, diyar kirin ku tayînkirina qeyûman hedefgirtina destkeftiyên jinan e û dan zanîn ku ew dê heta dawiyê li dijî vê yekê têbikoşin.
Jina bi navê Hîlal Kar li Amedê ji hêla Mehmet Demîr ve hate qetilkirin. Bi ser cînayetê re 13 roj derbas bûn lê hêj jî faîl nehatiye girtin.
Komeleya Rojnamegerên Jin a Mezopotamyayê rapora xwe ya meha hezîranê eşkere kir. Li gorî raporê; derheqê 22 rojnamegran de 17 doz didomin û li rojnamegerekê jî 6 sal û 3 meh cezayê hefsê hate birîn.
Hevşaredara Farqînê Sevîm Bîçîcî bi ser texrîbatên qeyûm ên şaredariyê sekinî û wiha got: “Me saziyekî wek feraset û fizîkî bûye zilam dewr girt. Me jinan anî li cihê herî girîng û dest bi kar kir.”
MKG bertek nîşanî cezayên li kedkarên Çapemeniya Azad hatine birîn da û got: “Em diyar dikin ku em ê li dijî van biryarên bêhiqûqî bêdeng nemînin û tînin ziman dê di her şert û mercan de Çapemeniya Azad biparêzin.”
Jina bi navê Safiye Biçak li Stenbolê ji hêla Vedat Biçak ve hate qetilkirin.
TJA'yê li navçeya Cizîrê têkildarî gotinên zayendperest ên midûrê polîsan ku li dijî Hevşaredara Cizîrê Guler Yerbasan gotibûn daxuyanî da. Di daxuyaniyê de Parlamentera Şirnexê Newroz Ûysal axivî û bang li midûrê polîsan kir û got: "Hedê xwe zanibe."