NAVENDA NÛÇEYAN - Îranê Tengava Hurmuz ku wek navenda petrola cîhanî û veguhastina LNG tê hesibandin girt.
Piştî êrîşên hevkar ên navbera Îsraîl û Îranê, tê payîn ku buhayên petrolê yên beriya niha ji sedî 7 zêde bûne jî zêde bibin. Artêşa Komara Îslamî ya Îranê ragihand ku wê Tengava Hurmuz ji bo derbasbûna keştiyê girtiye.
Artêşa Komara Îslamî ya Îranê ku bi fuzeyên balîstîk li bajarê Tel Avîvê xist, li ser hesabê xwe yê medya farazî ya fermî diyar kir ku Tengava Hurmuz heta fermaneke din girtî ye. Di daxuyaniyê de wiha hate gotin: “Heta fermaneke din dê destur neye dayîn ku keştî ji Tengava Hurmuzê re derbas bibin.''
Tengava Hurmuz ku li devê Kendava Basrayê rêyeke teng e, hilberandina Petrola Rojhilata Navîn û LNG'ê bi rêya Behra Ummanê û Okyanûsa Hindî bi bazarên global ve girê dide.