Gengeşeyên li ser çareseriya pirsgirêka kurd ku ji 1'ê Cotmehê ve dest pê kirine, didomin. Di vê çarçoveyê de Pervîn Buldan û Sirri Sureyya Onder ku di nava Şandeya Îmraliyê ya DEM Partiyê de cih digirin, di 28’ê Kanûnê de çûn Îmraliyê. Şandeyê piştre di 22'yê Çileyê de hevdîtina duyemîn pêk anî.

 

3'yemîn Civîna Îmraliyê ya Şandeya Îmraliyê ya DEM Partiyê ya berfireh di 27'ê Sibatê de pêk hat. Heyetê li Stenbolê "Banga Aştî û Civaka Demokratîk" a Rêberê Gelê Kurd Abdullah Ocalan bi raya giştî re parve kir.

 

Li ser banga Abdullah Ocalan ku li hemû cîhanê olan da, PKK’ê agirbest îlan kir.

 

Zanyarê Siyasetê Prof. Dr. Baskin Oran destnîşan kir ku ji bo ji bo çareseriya pirsgirêkê pêdivî bi demokrasiyê heye. 

 

Oran ku got "Bêguman pirsgirêka kurd pirsgirêka herî mezin a Tirkiyeyê ye" wiha axivî: "Ji bo ku pirsgirêkeke wiha mezin bi aşitiyeke ku ji aliyê her du partiyan ve were qebûlkirin pêk were, divê li Tirkiyeyê herî kêm azadiya derbirînê hebe, yanî demokrasî. Niha berovajî vê yekê, kurd û endamên CHP'ê tên bêdengkirin. Kesên ku piştgiriyê nadin AKP'ê û qesrê tên bêdengkikrin. Pêvajo di hawirdoreke wiha de nabe. Pêşî divê demokrasî hebe. Rojnamegeran jî digirin. Ji bo şaredaran gelek îdiayan dibînin û dosyeyan amade dikin. Di nêvengeke wiha de tu pirsgirêk nayê çareserkirin." 

 

Oran bal kişand ser operasyonên li dijî şaredariyên ku bi "Lihevhatina Bajêr"hatin hilbijartin û got: "Bi hinceta Lihevkirina Bajêr nikarin DEM Partiyê û CHP'ê asteng bikin, ji ber ku alîgirên her du partiyan tişta pêwîst kirine û dê bikin."

 

MA / Melîk Çelîk