Hevserokê Şaax ÎHD’a Agiriyê Azad Akbulut bertek nîşanî biryarên ceza û girtinê yên dadgehâ Agiriyê û got: “Hewceye meqamên darazê biryarên ku aştiya civakî xurt dike bide.”
Dayikên Aştiyê ku konferansa xwe li dar xistin, diyar kirin ku azadiya gel girêdayî azadiya fîzîkî ya Abdullah Ocalan e.
Rojnameya Xwebûnê di hejmara xwe ya nû de bi manşeta “Jiyan dema azad be bi wate ye” derket.
Ji rêveberên KURDÎGEH’ê Bîrhat Duman têkildarî parvekirina bi Kurdî ya li ser hesabê X’ê ya Meclisê axivî û got: “Kurd nêzikatiyên durûtî qebûl nakin. Bila astengiyên li pêşiya Kurdî rakin.”
MATUHAYDER û OHD’ê xwestin Lijneya Îdare û Çavdêriyê ku bi awayekî derhiqûqî tehliyeyên girtiyan asteng dike bên girtin û xwestin sererastkirinên qanûnî bên kirin.
Di rewşa rojnameger Huseyîn Aykol ku du caran xwîn çûbû ser mejiyê wî û hatibû entubekirin, tu guhertin nînin.
Ajokarên taksiyan ji bo piştgiriya bi çalakiya bo ronîkirina mirina biguman a Rojîn Kabaîşê hatiye destpêkirin xwestin biçin kampûsa Zanîngeha Yuzuncu Yilê ya Wanê. Tevî astengiya rektor derxistî jî ajokor tev li çalakiyê bûn.
Şîna endamê HPG’ê Cengîz Yaşar a li Amedê bi girseyî hate ziyaretkirin.
Hevserokên Giştî yên DEM Partiyê Tulay Hatîmogûllari û Tuncer Bakirhan, li pêşiya Girtîgeha Edîrneyê daxuyanî dan û gotin: “Di vê pêvajoyê de gava herî girîng a ku divê were avêtin, cîbicîkirina biryarên DMME’yê û berdana Selahattîn Demîrtaş, Fîgen Yuksekdag û girtiyên doza Kobanê ye.”
Rêveberên Wan TUHAY-DER’ê diyar kirin ku girtî û malbatên wan li benda gavên şênber in û ji bo pêvajo bi awayekî tendurist bimeşe jî weke gava ewil dikare “mafê hêviyê” yê Rêberê Gelê Kurd Abdullah Ocalan bê cîbicîkirin.
Ciwanan da zanîn ku heta Rêberê Gelê Kurd Abdullah Ocalan ji hêla fîzîkî ve azad dibe dê li qadan bin û gotin: “Heta ku rêberê vî gelî tecrîdkirî be dê aştî çênebe.”
Cemîl Îrvendî ku li Girtîgeha Tîpa S a Kirşehîrê tê ragirtin, 31 sal in di girtîgehê de ye û heta niha tehliyeya wî 3 caran hatiye taloqkirin, got: “Li bendê ne ku di girtîgehê de bimirim. Kesek berpirsyartiyê li xwe nagire.”
Ji destpêka salên komarê heta niha polîtîkayên bişaftinê herî zêde li dijî zimanê Kurdî hatin meşandin. Di çarçoveya polîtîkayên bişaftinê de li Agiriyê ji 576 gundan navên 379’an hatin guherandin.
Ahmet Tuzun ê DEM Partiyî banga tevlibûna mitînga li Qada Esenyurtê kir û got ku dê li dijî sepanên bêhiqûqî dengê xwe bilind bikin.