Li Agiriyê ji 3 hezar û 636 km rêyên gundan hêj 2 hezar û 279 jê stabîlîze ne. Hevserokê Meclisa Giştî ya Bajar ê DEM Partiyê Melîk Ozmuş, got: “Kesên ji hêla hikûmeta navendî ve hatine tayînkirin, li gorî polîtîkayên îktîdarê tevdigerin û gel li gorî tercîhên siyasî dabeş dikin.”
Civaknas Osman Turgut diyar kir ku hebûna AMATEM'ê li Wanê ku ji bo kesên tiryakê bi kar tînin di warê xwegihandina dermankirinê de zehmetiyan dide der û got ku divê li bajêr demildest navendên rehabîlîtasyonê bên vekirin.
Serokê berê yê Baroya Amed Mûstafa Ozer diyar kir ku divê dewlet di qanûnan de guhertinan bike û got: "Ger li Tirkiyeyê aştî tê xwestin, dikarin li ser efûyeke giştî bifikirin."
Xizmên girtiyan diyar kirin ku li girtîgehan tevî Pêvajoya Aştî û Civaka Demokratîk jî zext berdewam dikin û bang li dewlet û desthilatê kirin ku gavên berbiçav bavêjin.
Dadgeha Asliyeyê ya 7'emîn a Wanê, biryar da ku malbatên HPG'yiyan tazmînata ku Wezareta Karên Navxweyî daye leşkerekî di şer de birîndar bûye, bidin.
Ji bo endama YJA Starê Cansu Seferoglû li bajarê wê Bazîdê şîn hate danîn.
Dermanên razandinê yên rojnameger Huseyîn Aykol ku piştî xwîn çûyî ser mejiyê wî hatibû entubekirin, dîsa hatin kêmkirin.
Di danişîna doza cînayeta Mattîa Ahmet Minguzzî de li 2 bersûcan 24 sal cezayê hefsê hate birîn û der heqê 2 bersûcan de jî biryara beraetê hate dayin.
Hêzên Hikûmeta Demkî ya Sûriyeyê, rêya di navbera Tebqa-Selemiyê de careke din ji hatin û çûnê re girt.
Li seranserî cîhanê zêdetirî 520 parastvanên mafên mirovan û kesayetên siyasî bi daxuyaniyeke hevpar bang li rejîma Îranê kir ku cezayên îdamê bide sekinandin.
Di danişîna doza qetilkirina pitikê 18 mehî Mehmet Uytun de ku polîsê bersûc Hakan Alkan tê darizandin de daxwaza girtina bersûc û keşfa cihê bûyerê hatin redkirin.
Di danişîna doza Midûra Nûçeyan a JINNEWS’ê Oznûr Degerê de salek û 28 meh û 15 roj cezayê hefsê hate dayin.
Wezîrê Karên Hundir Alî Yerlîkaya, meşa ciwanan a bi dirûşma “Bi Rêberê azadiyê ber bi jiyana azad ve” hedef nîşan dabû. Li ser vê yekê, herî kêm 8 ciwan hatin binçavkirin.
Profesorê Skoçyayî Andrew Ross, têkildarî pêvajoya piştî banga Abdullah Ocalan hatiye destpêkirin ji DEM Partiyê re peyamek şand û got: “Hikûmeta Tirkiyeyê hewceye vê firsenda dîrokî pûçe neke.”