Parlamenterê HDP’ê yê Dêrsimê Alîcan Onlu diyar kir ku êrişa li dijî cenazeyê Aysel Dogan, provokasyona wezîrê karên hundir û waliyê bajêr bû û wiha got: “Heke Soylu li terorîstekî bigere, bila li xwe binêre.”
Parlamenterên HDP’ê Feleknas Uca û Sezaî Temellî di çarçoveya hevdîtinan de çûbûn Iraqê. Parlamenteran diyar kir ku Tirkiye û hêzên emperyalîst ji bo ku bêîstîkrariya li herêmê zêde bikin dest bi êrişan kirine. Uca, wiha got: “Hemû kes hemfikir e ku pirsgirêk bi şer çareser nabin.”
Mahafûz Guleryuz di Konferansa Herêma Marmarayê de axivî û diyar kir ku bi Rêya Sêyemîn dikare hemû pirsgirêk bên çareserkirin. Guleryuz, her wiha bang li hêzên demokrasiyê kir ku di bin sîwana Rêya Sêyemîn de yekitiya xwe ava bikin.
Cîgirê Hevserokên Giştî yê HDP’ê Tayîp Temel di Konferansa Herêma Serhedê ya partiya xwe de axivî û got: “Divê tecrîd bê rakirin û birêz Ocalan bigihîje azadiya xwe. Azadiya Ocalan azadiya kurdan e.”
Gunay, di civîna heftane de bal kişand ser êrişên Tirkiyeyê yên li dijî Başûrê Kurdistanê û wiha got: “Helwesta ku PDK tê de ye, dilê kurdan diêşîne. Em bang li gelê kurd, partiyên siyasî, rêxistinên sivîl, rewşenbîr û hemû rayedarên Kurdistanê dikin; werin dengê xwe bilind bikin, helwesta xwe nîşan bidin.”
Hevserokê HDP’ê Mîthat Sancar diyar kir ku îktidarê polîtîkayên aloziyê û tirsê ji nû ve xistiye dewrê û got: “Wê bi ser nekevin. Me baweriya ku em ê wan têk bibin mezin kiriye.”
Hevserokê HDP’a Amedê Zeyyat Ceylan diyar kir ku îktidara Tirkiyeyê û pergala serdest dixwaze sedsalên din jî bi kurdan bide windakirin û got: “Ev pêvajo, pêvajoya man û nemanê ye.”
Parlamentera HDP’ê ya Şirnexê Nûran Îmîr îdiaya ku dê Medreseya Sor dewrî komeleya di bin kontrola Hatîce Atan a AKP’î bê kirin, xist rojeva Meclisê.
Endamê Meclisa Partiyê yê HDP’ê Emîralî Turkmen ê di Konferansa Herêma Anatoliya Navîn de axivî diyar kir ku serdema pêşiya wan serdema têkoşîna hevgirtî û hevpar e.
DBP, Partiya Şoreşger, ESP, SODAP, SYKP û Partiya Çepgir a Kesk, li dijî êrişên ser HDP’ê bang li hêzên ked û demokrasiyê kirin û ev tişt gotin: "Em banga parastina mafê siyasetê yê HDP'ê dikin."
Koma Tifaqa Kurdistanî bertek nîşanî erîşa ser HDP’ê da û wiha got: “Divê Wezîrê Karên Hundir Suleyman Soylu îstîfa bike û polîsên êrişkar jî ji peywirê bên girtin.”
6 partiyên siyasî têkildarî provakasyona li hemberî HDP'ê daxuyaniyeke hevpar dan. Di daxuyaniyê de hat diyarkirin ku HDP ne bi tenê ye û wiha hat gotin: "Demildest bila dorpêça polîsan bê rakirin. Demildest divê derbarê kesê ku gef li Ayşe Acar Başaranê xwar lêpirsîn bê destpêkirin û bê darizandin."
Berdevka Meclisa Jinan a HDP’ê Ayşe Acar Başaran ku polîsan gefa kuştinê lê xwar diyar kir ku heke tiştek bi serê kesekî li partiyê were, berpirsyar Wezîrê Karên Hundir û hikûmet e. Başaran bi berdewamî wiha got: “Serkêşê provokasyonê, Wezîrê Karên Hundir û desthilatdariya AKP-MHP’ê ye.”
Hevserokê Giştî yê HDP’ê di civîna danasîna kampanya “Mafê Welatîbûna Wekhev ji bo Elewiyan” de axivî û diyar kir ku mifteya çareseriya polîtîkayên înkar û cihêkariyê “welatîbûna wekhev e.”
Parlamenterê Partiya Kesk Ross Greer ê ku endamê Parlamentoya Îskoçyayê te têkildarî rakirina parêzbendiyên parlamenterên HDP’ê pêşniyazname yek da Parlamentoya Îskoçyayê û bang li hikûmeta Tirkiyeyê kir ku li gorî biryarên DMME’yê tevbigere.