Akademîsyen Kamuran Berwarî, helwesta PDK'ê ya li dijî gelê Kurd nirxand û anî ziman ku PDK li gorî daxwaza hikûmeta Tirkiyeyê gavan davêje û ev yek zerarê dide. Berwarî, da zanîn ku di nava PDK'ê de piranî endam û rêveberên wan li dijî şer in û got: "Çareseriya qrîza di nava PDK û Tirkiyeyê de nerînên Ocalan e. Nerîna Ocalan a Yekîtiya Neteweyî ye.
MYK’a HDP’ê, diyar kir ku çavkanî û berpirsê qrîzê Serokkomar Erdogan e û banga îstifayê li Erdogan kir û ev tişt got: “Tekane rêya ku Tirkiyeyê ber bi selametiyê ve bibe çûna hilbijartinê ye.”
Şêniyên Sinûnê ya Şengalê, li dijî peymana di navbera Hewlêr û Bexdayê ya li ser Şengalê pêk hat, meşek li dar xistin û daxuyanî dan. Şêniyan anîn ziman ku nexwazin hêzên bûne sedema qirkirinê vegerin Şengalê û ji hikûmeta Iraqê û aliyên peywendîdar re jî xwestin Şengalî bi xwe xwe rêve bibin.
Hevserokên Giştî yên HDP'ê Pervîn Bûldan û Mîthat Sancar, ji bo Joe Bîden ê weke Serokê Amerîkayê hat hilbijartin û Cîgira wî Kamala Harrîs peyama pîrozbahiyê weşandin û ji wan xwest ku pêşî bidin polîtîkayên derveyî welat ên aştiyane.
Hevseroka KCD'ê Leyla Guven, ku di 8'ê mijdara 2018'an de li dijî tecrîdê ket greva birçîbûnê û piştî 200 rojan, bi hevdîtina parêzeran a bi Rêberê PKK'ê Abdullah Ocalan re dawî li çalakiyê anî, diyar kir ku ew dikarin tecrîdê bi têkoşîna gelan bişkînin.
Berdevka HDP'ê Ebrû Gunay, “Bernameya Çalakiya Demokratîk" aşkere kir û wiha got: “Heta ku em îtîfaqa faşîst têk bibin emê dest bi çalakiya bê navber bikin. Çalakiyên me dê bê navber berdewam bikin."
Hevseroka KCD'ê Leyla Guven, ji bo rageşiya di navbera hêzên Kurd a Kurdistana Federe de bang li Serokê PDK'ê Mesut Barzanî kir û got: “Divê îtîfaya yekîtiya gelê Kurd pêş bikeve. Ji xeynî yekîtiyê rê tune. Divê dawî li Birakujiyê bînin."
Parlamentera HDP’ê Feleknaz Ûca, diyar kir ku Serdozgeriya Komarê ya Enqereyê ku derbarê wê de fezleke amade kiriye, bi destnîşanên xwe îtîraf kiriye ku Komkujiya Parîsê ji aliyê MİT’ê ve pêk hatiye.
Pêşniyaznameya HDP’ê ya ji bo lêkolînkirina pêkanîna derveyî hiqûqê û texrîbatên civak û demokrasiyê yên “Darbeya Siyasî ya 4’ê Mijdarê” bi dengên AKP-MHP’ê hat redkirin.
Bi munasebata salvegera “Darbeya Siyasî ya 4’ê Mijdarê” ya li hemberî siyasetmedarên HDP’ê li gelek navenda daxuyanî hatin dayîn. Di daxuyaniyan de hat destnîşankirin ku li hundir û derve jî dê HDP têkoşîna xwe bidomîne.
Berdevka Meclîsa Jinê ya HDP'ê Ayşe Acar Başaran diyar kir ku ew ê bi dirûşma "Li dijî tundiya mêr-dewletê em ê têbikoşin' di 7'ê mijdarê de li bajarên pîlot ew ê starta 25'ê Mijdarê bidin û got ku ew ê hesabê jinên hatine qetilkirin bipirsin û li dijî rejîma qeyûmê dengê xwe bilind bikin.
Partiya Demokratîk a Gelan (HDP) bi minasebeta salvegera 4’ê Mijdara 2016’an daxuyaniyeke biniviskî weşand û wiha got: “Derbeya siyasî ku bi destê tifaqa AKP-MHP’ê ve hate pêkanîn, îro di her qadê de bi awayekî hovane tê meşandin.”
Hevseroka Giştî ya HDP’ê Pervîn Bûldan, diyar kir ku darbeya 4’ê mijdarê li dijî vîna parlamentoyê û gel pêk hatiye û ev tişt got: “Pêvajoya darbeya siyasî bi Plana Çokşikandinê” dest pê kir. Ev plan; 2’emîn Plana Islahata Şeqê ya AKP-MHP’ê ye.”
Parlamentera HDP'ê ya Êlihê Feleknas Uca, di kongreya Rêxistina HDP'ê ya Navçeya Navendî ya Êlihê de 1'ê Mijdarê Roja Kobanê ya Cîhanê pîroz kir û got: "1'ê Mijdarê Roja Kobanê ya Cîhanê roja rizgariya gelan e. Berxwedana Kobanê bûye damara berxwedana Kurdan."
Dozgeriyê der barê 18 parlamenteran de 22 fezlekeyên nû şandin meclîsê û xwestin destnedayina wekîlan bê rakirin.