Navenda Çapemenî û Ragihandinê ya HPG’ê (NÇR), ji bo Harun Sune û Remezan Çakarsin ên ku di dîrokên cihê de li herêmên cuda jiyana xwe ji dest dabûn daxuyanî da. Ji bo Sune û Çakarsin şîn hate danîn.
Dayikên Şemiyê xwestin ku aqûbeta Ramazan Kaya yê ku 33 sal berê ji aliyê cerdevanan ve hatibû revandin were eşkerekirin. Her wiha xwestin ku dozên kesên din ên winda ji nû ve werin vekirin.
Di ser Komkujiya Geliyê Zîlanê de 95 sal derbas bûn. Nivîskar Sadik Varlî, got: “Têkoşîna 40 salan a ku li dijî komkujiyan ji bo bi serketinê ve tacîdar bibe xwe amade dike.”
Serokkomarê AKP'î Tayyîp Erdogan, diyar kir ku dê li Meclisê komîsyon bê avakirin û got: "Em ê pêdiviyên qanûnî yên pêvajoyê di bin banê Meclisê de nîqaş bikin."
Dîmenên amadekariya merasîma çekşewitandinê yên Koma Aştî û Civaka Demokratîk hatin weşandin.
Merasîma şewata çekan a Koma Aştî û Civaka Demokratîk di manşeta ewil a rojnameyan de cih girt.
Parêzvanên mafên mirovan û rewşenbîrên ku bi hêvî ji merasîma şewitandina çekan a Koma Aştî û Civaka Demokratîk derketin, destnîşan kirin ku hemû beşên civakê ji bo serkeftina pêvajoyê berpirsiyar in.
Rêvebira Meclisa DEM Partiyê Salîha Aydenîz diyar kir ku şewata çekan “destpêka têkoşîneke nû ye” û divê gavên ji bo temînata perwerdehiya bi zimanê dayikê, xurtkirina rêveberiyên herêmî, wekheviya hemwelatîbûnê bên avêtin.
Ahmet Faruk Unsal diyar kir ku Abdullah Ocalan gava din a ji jina û pê ve wekî avakirina bingeheke siyaseta demokratîk pênase kiriye û got: "Ji bo vê yekê, divê hin sererastkirinên qanûnî û destûrî werin çêkirin."
Ji bo girtiyê nexweş Mehmet Emîn Çam ê ku di girtîgehê de du caran qeyrana dil derbas kir, serlêdaneke nû hate kirin. Keça Çam Şîmel Çam got: “Em her roj bi tirsa wergirtina nûçeyên xirab dijîn.”
Nivîskar Mehmet Karakûş li ser merasîma dîrokî ya Koma Aştî û Civaka Demokratîk got: "Divê dewlet gelek guhertinên destûrî û qanûnî bike. Pêdivî bi reformeke berfireh a qanûnî heye. Ger ev were kirin, pêvajo dê pêş bikeve."
Li Şirnexê sazî û nûnerên partiyên ku beşdarî “Hevdîtinên Aştî û Demokratîk” bûbû, gotin “Du fikarên bingehîn hene, yek jê gavneavtîna dewletê ye, ya duyemîn mercên Rêbertiyê de guhertineke cidî tune.”
Serokê YNK’ê Bafil Talebanî destnîşan kir ku biryara PKK'ê ya ji bo destpêkirina serdemeke nû ya bi rêya diyalog û aştiyê, gavekî dîrokî ye û got ku ev yek rasterast bandor li ser aramiya Herêma Kurdistanê bike.
Wezîrê Dadê Yilmaz Tûnç bal kişand ser merasîma gerîla ya îmhakirina çekan û got: “Îro yek ji wan rojane ku nayê jibîrkirin. Ji niha şûn ve ji bo pêvajoyê gelek tişt hene ku em bikin.”