Serokê Baroya Amedê Abdulkadîr Guleç diyar kir ku ji bo çareseriya pirsgirêka Kurd divê di qanûnan de sererastkirin bên kirin û got: “Hewcehî bi destûreke bingehîn a 86 milyon welatiyan hembêz dike û derfeta hemwelatiya wekhev dafirîne heye. Ev, ferz e.”
Şaredarê Bajarê Mezin ê Îzmîrê yê berê Tunç Soyer jî di nav de 137 kesên li Îzmîrê hatibûn binçavkirin, sewqî edliyeyê hatin kirin.
Girtiyê nexweş Bûrhan Guneş, rexmê nexweşiyên fetqa stû û piştê û nexweşîyên weke şekir, bêhnkurtê nayê tehliyekirin û mafê wî yê tedawiyê tê astengkirin.
Welatiyên li gundên Kişle, Çîftlîk û Zozanê Kêrsê ya girêdayî navçeya Qaxizmanê dijîn, diyar kirin ku li gundên wan pirsgirêka av, rê û ceyranê heye û hemû serlêdanên wan bê encam mane û rayedar li hemberî pirsgirêkên wan bêdeng in.
Hevserokê KNK'ê Ahmet Karamûs diyar kir ku ew ji bo pêkanîna yekitiya neteweyî ya Kurd ji Herêma Kurdistana Federe hêvîdar in û got: "Li wir derfeteke çareseriyê heye. Wekî ku birêz Ocalan got, divê avakirina neteweyeke demokratîk li her cihê ku Kurd lê dijîn pêk were."
Rewşenbîrên ku di çarçoveya kampanyaya "Ez dixwazim bi Abdullah Ocalan re hevdîtinê bikim" de hatin Tirkiyeyê, destnîşan kirin ku "Bi Abdullah Ocalan re armanca sereke azadiya civakê ye. Jin dikarin pêşengiya vê bikin."
Mehmet Alî Aydin ku di Sekreteriya Înîsiyatîfa Yekitiya Demokratîk de cih digire, got: "Êdî şensê Kurdan tune ku ji yekitiya neteweyî dûr bisekinin, wê paşde bixin an jî taloq bikin."
Li Şirnex û Mêrdînê bi pêşengiya TJA, DBP û DEM Partiyê li ser banga "Aştî û Civaka Demokratîk" a Rêberê Gelê Kurd Abdullah Ocalan civîn hatin lidarxistin.
Li Amedê bi pêşengiya TJA û MEBYA- DER'ê Zeynep Kinaci û Sema Yuce hatin bibîranîn.
Zaroka bi navê E.A. li Erdîşê rastî tecawizê hatibû û piştre întîhar kiribû. Bersûcên bi navên M.B. û G.Y. ku rê li ber întîhara E.A.’yê vekiribûn dîsa nehatin girtin.
Di danişîna ewil a doza rojnameger Bîlge Aksu de ku bi îdiaya “endamtiya rêxistinê” tê darizandin, biryara tehliyeyê hat dayin.
Şîna ji bo endamê HPG’ê Mûsa Kaya hatiye danîn bi girseyî hate ziyaretkirin.
Berdevka DEM Partiyê Ayşegul Dogan diyar kir ku dê têkildarî pêvajoyê gavên girîng bên avêtin, li Herêma Federe ya Kurdistanê biryarên kongreyê bên cîbicîkirin û got: “Em ber bi qonaxeke bêhtir berpirsyartiyan bar dike û bêhtir pêwîstiya xwe bi gavên şênber û xurt heye ve diçin.”
Hat ragihandin ku parêzer Bariş Işik ku li Îzmîrê dijiya, dawî li jiyana xwe anî.