10 sal berê li gundê Berxbotan ê Kobanê di êrişên çeteyên DAIŞ'ê de 23 kesan jiyana xwe ji dest dabûn, piştî 10 salan vê carê jî di êrişa balafirên bê mirov ên dewleta Tirk de 9 kesan jiyana xwe ji dest dan.
Xizmên kesên li gundê Berxbotanê hatin qetilkirin, wiha gotin: “Saziyên mafên mirovan li ku ne? Divê dewleta tirk teqez hesabê vê komkujiyê bide.”
Hevseroka Giştî ya DEM Partiyê Tulay Hatîmogûllari diyar kir ku têkildarî hevdîtina bi MHP’ê re dê piştre daxuyaniyeke berfireh bidin. Cîgirê Serokê Giştî yê MHP’ê Semîh Yalçin jî got: “Hevdîtineke baş bû.”
DEM Partiyê bertek nîşanî komkujiya li gundê Berxbotanê ya Kobanê da ku ji heman malbatê 9 kes hatin qetilkirin û got: “Êrişeke biqesdî ya li dijî hêviyên aştiyê ye. Weke birêz Ocalan berê bal kişandibû ser, hewldaneke sabotajê ye.”
Rojnameger Chris Den Hond ku ji bo şopandina Newrozê ji Fransayê hatibû, ji hêla Tirkiyeyê ve hate dersînorkirin.
Rojnameya Xwebûnê vê hefteyê bi manşeta “Newroza Rêbertiya Azad” derket.
HSD’ê bi daxuyaniyekê ragihand ku dewleta tirk li Kobanê komkujiyek kir û di komkujiyê de 7 jê zarok û yek jî jin bi giştî 9 kes ji heman malbatê qetil kiriye. HSD’ê, got: “Dewleta tirk a ku nikare li dijî hêzên me pêş bikeve, sivîlan qetil dike.”
DFG’ê ji bo danişîna ewil a rojnameger Eylem Babayîgît ku dê di 19’ê Adarê de bê lidarxistin, banga piştevaniyê û parastina rojnamegeriyê kir.
Hevdîtina di navbera şandeya DEM Partiyê û MHP’ê de li Meclisê dest pê kir.
Li 12 navendên cuda pîrozbahiya Newrozan tê lidarxistin.
Li gundekê navçeya Pênciwên a Silêmaniyeyê di encama teqîneke mayînê de ciwanekî jiyana xwe ji dest da.
Pîrozbahiya Newrozê ya li Geverê wê li Stadyûma Cîlo ya kevin piştî 10 salan careke din bê pîrozkirin. Komîteya Rêxistinbûnê ku li 172 gund, 16 tax û navendan komîsyon ava kir, gel vexwend pîrozbahiyan.
Dayika Aştiyê Dûrrî Kaygûsûz a ku gundê wî hat şewitandin ku gelek caran hat binçavkirin, kurê wê di pevçûnê de jiyana xwe ji dest da û kurê wê yê din jî di girtîgehê de ye diyar kir ku ew kêliyekê jî dest ji daxwaza xwe ya aştiyê bernadin û wiha got: "Em bang li dewletê dikin: Êdî bes e, dora we ye."
Di serdegirtinên malan ên li Hewagê de 4 endamên Meclisa Ciwanan a DEM Partiyê hatin binçavkirin.
Girtiyên il Girtîgeha Hejmar 5 a Tîpa L a Sîlîvriyê tên ragirtin anîn ziman ku piştî banga Rêberê Gelê Kurd Abdullah Ocalan zext û êrişên ser wan giran bûne û ev yek weke provokasyona li dijî pêvajoyê nirxandin.