Sadettîn Ozbahçecî ji hêla polîsan ve hatibû kuştin. Qetilkirina Ozbahçecî ya ji hêla polîsan ve li krîmînala polîsan nehat tespîtkirin û li ser vê yekê dosya ji krîmînala cendirmeyan re hate şandin.
Bi hinceta 2 pirtûkên ji hêla Weşanxaneya Aramê ve hatine çapkirin, der heqê xwediyê weşanxaneyê rojnameger Hakki Boltan de lêpirsîn hate destpêkirin.
Ji bo bîranîna ji kadroyên pêşeng ên PKK’ê Alî Haydar Kaytan û Riza Altûn ku dê li Dêrsimê were lidarxistin, banga tevlibûnê hate kirin.
Cezayê hefsê yê polîsê bi navê Fatîh Dalgali ku di dema çalakiyên Parka Geziyê de bi fîşeka gazê Berkîn Elvan qetil kiribû, ji hêla Dadgeha Bilind ve hate erêkirin.
Civaknas Demîr Kuçukaydin tiştên piştî banga Abdullah Ocalan rû dayin weke “destpêka pêngaveke nû” nirxand û got: “Guherîn dê biêş be. Li şûna gotina ‘me ev gav avêt, tu jî vê gavê biavêje’, divê mirov li ser birêxistinkirina civakê bisekine.”
Ji kadroyên pêşeng ên PKK’ê Alî Haydar Kaytan û Riza Altûn li Wanê hatin bibîranîn. Mehmet Şîrîn Tunç di bîranînê de got ku Kaytan û Altûn ji bo azadiya gelê xwe canê xwe feda kirine û ev tişt anî ziman: “Tu caran serî netewandin.”
Çaran, di 17'ê Gulana 1982'an de li Girtîgeha Amedê ya Hejmar 5'an bedena xwe dabûn ber agir. Endamê Înîsiyatîfa 78'an Huseyîn Bariş ê bi Çaran re li Girtîgeha Amedê maye wiha got: “Pêvajoya ku em îro tê de derbas dibin, mîrateya Çaran e."
Midûriyeta Çandinî û Daristanê ya Colemêrgê ji ber nexweşiya tevekê ya li navçeya Rûbarokê hatiye tespîtkirin, di çarçoveya tevdîrên karantînayê de liev û tevgera ajalan qedexe kir.
Malbat û wasiyê Rêberê Gelê Kurd Abdullah Ocalan ji bo hevdîtinê serî li Serdozgeriya Komarê ya Bursayê û Midûriyeta Girtîgeha Îmraliyê dan.
Bi destpêkirina dema hêkavêtin û şanên mêşhingivan re mêşvanan berê xwe dan navçeya Qabilcewz a Êlihê ku ji hêla flora û faunayê ve herêmeke dewlemend e.
Endamê Konseya Rêveber a KCK’ê Sabrî Ok, diyar kir ku Abdullah Ocalan hewl dide ji bo serdemeke nû deriyekê veke. Besta Botan jî got: “Têkoşîneke xwe dispêre siyaseta demokratîk û civaka demokratîk dest pê dike.”
Siyasetmedarên DBP’î ji bo bîranîna ji kadroyên pêşeng ên PKK’ê Alî Haydar Kaytan û Riza Altûn ku dê di 17’ê Gulanê de li Dêrsimê bê lidarxistin, banga tevlibûnê kirin.
Serlêdana ji aliyê Midûriyeta Giştî ya Emniyetê ve li dijî biryara 'rawestandina biryara' ya der heqê plana îmarê ya parselan de hat redkirin.
Hevserokê DBP’a Rihayê Mahmût Manas ku ji kadroyên pêşeng ên PKK’ê Riza Altûn li navenda îşkencexaneyê ya Rihayê nas kiribû û li Girtîgeha Amedê jî bi hev re mabûn, got: “Altûn, pir baş birêxistin dikir û mamosteyekî zîrek bû.”
Hevserokê DEM Partiyê yê Geverê Ercan Sevmez diyar kir ku di çarçoveya banga Abdullah Ocalan de li 12 tax û 72 gundan xwe gihandine 5 hezar malbatan û got: “Daxwaza sereke ya gel, azadiya fîzîkî ya birêz Ocalan e.”