NAVENDA NÛÇEYAN - Êrişên dewleta tirk û koma wê ya paramîlîter ên li ser Zirgan û Bendava Tişrînê didomin.
Êrişên dewleta tirk û koma wê ya paramîlîter SMO’yê yên li ser Bakur û Rojhilatê Sûriyeyê didomin. Dewleta tirk û koma wê ya paramîlîter gundên Til El Werîd û Rebîatê yên bajaroka Zirganê bombebaran kir. Têkildarî encamên bombebaranê tu agahî nehatin bidestxistin. Hêjayî bibîrxistinê ye ku di encama bombebarana duh a li dijî gundê Um Hermelê de ji heman malbatê zarokek jî di nav de 3 kes hatin qetilkirin û 8 kes jî birîndar bûn.
Her wiha derdora Bendava Tişrînê ku çalakiya nobetê lê didome jî hate topbarankirin.