Jinên li Efxanistanê, bi rêbazên têkoşînê yên ku li dijî rejîma Talîbanê pêş dixin, dev ji berxwedanê bernadin. Pashtana Durranî got: “Divê em biryarên xwe bi xwe bidin. Ne zilamên li derdora me, ne civaka gerdûnî û ne jî aktorên navneteweyî, divê em bibin xilaskarên xwe.”
Parêzer Eren Keskîn diyar kir ku ATK'ê di dosyaya Rojîn Kabaîşê de encamên DNA'yê salek piştre aşkera kiriye û got: "Vê jî pêvajo dirêj kir. ATK'ê heta niha jî ji bo veşartina îşkenceyê hewl da."
Bêrîvan Kutlu, yek ji kesayetên girîng ên têkoşîna azadiya jinan a Botanê, di tevahiya jiyana xwe de bi berxwedana xwe ya li dijî zilmê dihat nasîn. Tevî grevên birçîbûnê, qeyûman, binçavkirin û girtinan jî, Bêrîvan Kutlu di têkoşînê de israr kir û mîrateyeke berxwedanê hişt.
Şaredariyên DEM Partiyê yên ku bi pergala hevşaredariyê tên rêvebirin ji bo projeya "bajarên azad" dest bi kar kirin. Şaredariyan li 5 bajaran û 36 navçeyan 23 navendên jinan vekirin û zêdetirî 145 projeyên jinan pêk anîn.
Hevseroka Giştî ya DBP'ê Çîgdem Kiliçgun Ûçarê got: "Em dikarin bi hewildan, xebat û ramanên her yekî ji me vê xwedî li vê pêvajoyê derkevin û wê mezin bikin."
Meclisa Jinan a DBP’ê li 25 bajaran bi rêya atolyeyên “Bîrdoziya Rizgariya Jinê” xwe gihand 3 hezar û 55 jinan. Di rapora têkildarî atolyeyan de wiha hate gotin: “Ev îdeolojî li dijî pergala mêrê serdest ne tenê bernameya azadiya zayendê ye, paradîgmaya azadiya civakî ye ku xwedî veguherandina tevahiya civakê ye.”
Komeleya Jinan a Rosayê, di daxuyaniya piştgiriyê ya ji bo Nilay Esmerê de ku bavê wê ew taciz kiribû, got ku ew ê têkoşînê xurttir bikin.
DAKAP’ê starta çalakiyên 25’ê Mijdarê da, banga 27’ê Sibatê silav kir û got ku dê aştî, azadî û wekhevî bi têkoşîna jinan were.
Jinan, serdegirtina pêşangeha li Wanê protesto kirin û gotin: “Emniyet û walîtiya ku mudaxileyî faîlên Rojînê nekirin, mudaxileyî wêneyan dikin.”
Fermandara YJŞ'ê Dilvîn Şengaliyê bal kişand ser girîngiya xweparastinê û got: "Ji rastiya jina rêxistinkirî nerehetiyeke cidî heye. Tevgera azadiya jinan di dilê desthilatdaran de bûye tirseke mezin. Divê em vê tirsê mezin bikin."
TJA û rêveberiyên herêmî yên DEM Partî di semînera ku di çarçoveya çalakiyên 25’ê Mijdarê de hat lidarxistin de, mafên qanûnî yên jinan û rêbazên têkoşîna li dijî tundiyê nîqaş kirin.
MED TUHAD-FED û TUAY-DER’ê di çarçoveya 25’ê Mijdarê de li gelek bajaran daxuyanî da û xwestin ku her kes bibe dengê girtiyên jin.
Parêzer Îrem Îlhanê diyar kir ku sedema zêdebûna tundiya mêr û qetliaman ew e ku mekanîzmayên pêşîlêgirtinê nayên bicihanîn û polîtîkaya bêcezabûnê heye û got: “Ji bo parastina jinan, ne qanûn, divê hişmendî û polîtîka bê guhertin.”
Endama Desteya Serokatiya PYD'ê Foza Yûsifê diyar kir ku wan li Rojhilata Navîn şoreş di nava şoreşê de pêk anîne û got: “Divê em wek jinên cîhanê, rêxistinbûneke berfireh ava bikin. Divê li cîhanê xebateke ku bi perspektîfa jinan birêve diçe, hebe. Divê jin bi hevre di nava piştgiriyê de bin û hevdu biparêzin.”
Li Mêrsînê bi boneya 25’ê Mijdarê û bi pêşengtiya TJA’yê li dijî fihûş û tiryakê meş hat lidarxistin. Jinan, banga têkoşînê kir.