Sûltan Deyîş ku hevjînê wê û keça wê girtî ne, 29 sal in girtîgeh bi girtîgeh digere. Deyîş, anî ziman ku Roja Dayikan ji bîr kiriye û got: "Roja ku şer bi dawî bibe û em bigihên zarokên xwe, dê wê rojê bibe Roja Dayikan."
Jinên ku li Hala Zebze û Fêkiyan a Mêrsînê bi heqdesteke erzan tên şixulandin gotin: "Pandemî herî zêde bandorê li me dike, lê em tu carî nayên dîtin û hesibandin."
Remziye Yel a 59 salî ku li Amedê tevî 4 zarokên xwe di xaniyekî kavilbûyî de dimîne û ji bo debara zarokên xwe bike nêrdewana paqij dike, got: "Wezîr dibêje, li welatê me xizan tune ne. Çawa tune ne? Bila were vî halê me yê perîşan bibîne."
Di roja dayikan de gelek dayik, vê rojê xemgîn û bi êş pêşwazî dikin. Hin dayik, zarokên wan ji bo jiyanek azad û bi edalet jiyana xwe ji dest dan. Hin dayik, zarokên wan ji malê hatin binçavkirin û windakirin. Hin dayik, zarokên wan ji bo debarê di karkerî zevî û înşaetan de kar dikin. Hin dayik zarokên wan li kolanan hatin kuştin. Hin dayik jî li kolanê hatin kuştin û zarokên sêwî li dû xwe hiştin. Lê hişmendiya mêr a serdest tenê salê rojekê wekî "Bihiştê" pênase dike. 364 rojan jî li dayikan dike dojeh.
Emîne Şenyaşar ku zarokên wê li ber çavên wê qetil kirin, derbarê Roja Dayikan de ev tişt got: “Kesekî ku roja min pîroz bikin nehiştin. Celal û Adilê min roja min pîroz dikirin. Wan jî j imin girtin. Fadilê min jî kirin girtîgehê.”
Alîkara Serokê Baroya Amedê ya nû Zûhal Sayilgan Işik, diyar kir ku wê ji bo temsiliyeta wekhev zêdetir di nava hewldanan de bin û wiha got: “Di qada mafên jinan de, ji bo hişmendiya civakî çêbibe dê xebatên me yên zayendiya civakî çêbin.”
Bernamzetê AKP’î Feramuz E., gef li jina li cem wî dixebitî xwar û taciz kir. Feramez ê AKP'î got "AKP li pişt min e" û hêj gefên xwe berdewam dike.
Li Sokeyê roman, ji konan tên derxistin. Jinên roman ku hemû kar û bar li ser milê wan e, anîn ziman ku daxwaza wan tenê xaniyek e.
Li navçeya Mûratpaşayê dayikek û keça wê li mala ku lê dijiyan, bi awayekî biguman mirî hatin dîtin. Di lêkolîna hat kirin de hat tespîtkirin ku der û pencereyên malê bi folyoyê hatine girtin û di hundir de gaza karbonmonoksîtê hatiye berdan.
Meclîsa Jinan a HDP’ê, wê di 11'ê Gulan de roja Peymana Stenbolê ji îmzeyê re hat vekirin de, li her qadên ku lê ne dê daxuyaniyan bidin û çalakiyan li dar bixin.
Koalîsyona Jinan di Rojnamegertiyê de, rapora xwe ya meha Nîsanê weşand. CFWIJ'ê diyar kir ku binpêkirinên mafan ên rojnamegerên jin herî zêde li welatê Tirkiyeyê rû da.
Danişîna 2’yemîn a doza cînayeta Fatma Altinmakas a di nava malbatê de rastî tecawizê hatibû û piştî bûyer gilî kir, ji aliyê hevjînê xwe Kazim Altinmakas ve hatibû kuştin, ji ber pandemiyê hat taloqkirin.
Parêzerê Hatûn Koç a di encama tundiyê de ji lingê xwe yê rastê astengdar ma Battal Gazî Încî, diyar kir ku wan derbarê Wezaretên Dadê û Karên Hûndirîn de doza tazmînatê vekirin û got: “Aliyekê sî sûcî daraz û miduriyeta polîsan e.”
Li gorî çeteleya JinNewsê ya tundiya zilaman di meha nîsanê de amade kiriye 17 jin hatin kuştin. 12 jinan bi awayekî guman jiyana xwe ji dest dan. Hat xwestin 5 jin jî bên kuştin.
22 parlamenterên HDP’ê tundiya çawişê pispor a li Çewlikê ya li dijî jinekê birin rojeva meclisê û bi daxwaza ku Alîkarê Serokkomar Fûat Oktay bibersivîne pêşnûmepirsekê dan Serokatiya Meclisê.