Li navçeya Hezexê bi pêşengiya rêvebiriyên herêmî yên HDP'ê ve cîvîna jinan hat lidarxistin. Di civînê de polîtîkayên qeyûman hatin nîqaşkirin wiha hat gotin: "Xwestin vîna jinê di nava çar diwaran de bihêlin. Lê di vê plana xwe de bi serneketin.”
Wekîla Seroka Koma HDP’ê Meral Daniş Beştaş di çalakiya ji bo Aysel Tûglûk de hat lidarxistin axivî û diyar kir ku mirinên li girtîgehan diqewimin cînayet e.
TJA, derbarê berxwedana jinên li Efxanistanê de daxuyaniyek da û wiha got: "Jinên efxan bi hezar sal in li dijî barbarî û otorîteriyê bênavber têkoşîna xwe bi rêxistin dikin. Em radigihînin ku em ê bibin dengê jinên efxan û em ê dengê xwe bilind bikin."
Li Amedê zilamekî hewl da hevjîna xwe ya bi navê M.A. bi amûreke bibirê qetil bike, li Tekîrdagê jî zilamê bi navê E.K. jinek birîndar kir.
Kesê bi navê Baran Kizil ku li Amedê Îpek Gulşen a ji bo xwe li kar digeriya ji ewil xapand, tacîz kir û piştre jî bi gotina “li pişt min dewlet heye” gef lê xwar, hate girtin.
Di hefteya 21'an a Nobeta Edaletê ya Stenbolê de nêzî 40 kes hatibûn binçavkirin. Tevahiya binçavkiriyan hatin berdan.
Dayika Hevserokê KODAR'ê yê berê û Endamê Meclîsa Rêveberiya PJAK'ê Rêzan Cavîd ê di êrişên hewayî de jiyana xwe ji dest da, di şîna wî de wiha got: “Serê te qasî daristanên Qendîlê bilind e.”
OHD û TUHAYDER ragihand ku li Girtîgeha Amedê ya Jinan weqayên vîrûsa koronayê belav dibin û pirsgirêkên tenduristiyê yên cidî hene.
Navenda Mafê Jinan a Baroya Mêrdînê û Berdevka HDP’ê Ebrû Gunay, ji bo ku Hattap D. ê kurê hikumxwarê Doza N.Ç. Şeyhdavut D. û pismamê wî Hasan D. ku tecawizî jinek ciwan kiribûn, bên darizandin ketin tevgerê.
TJA û Meclisa Jinan a HDP’ê bi mebesta şermezarkirina neberdana siyasetmedara kurd Aysel Tugluk bi Kadîfe Kaleyê ve posterek daliqand.
Rêvebera Komeleya Jinan a Rosayê Nevîn Oyman diyar kir ku tundî û kuştina jinan polîtîkayek dewletê ye û ji bo jinên ku tundî li wan tê kirin, nizanin çi bikin û bêçare dimînin banga, “Em hene û her dem li cem we ne” kir.
Bijîşk Neşe Yilmaz, diyar kir ku gelek dermanên di tenduristiya jinan de tên bikaranîn ji aliyê SGK’ê ve nayê temînkirin û ev pêkanîn “tundiya di qada tenduristiyê de” ya li ser jinan e.
Cezayên pereyan li jinên ku biryara betalkirina Peymana Stenbolê protesto kiribûn hatibû birîn. AYM cezayê hatiye birîn ji ber ku “mafê civîn û xwepêşandanan binpê dike” betal kir.
Aktîvîstên TJA'yê Kevser Elturk a ku di 10’ê tebaxa 2015’an de jiyana xwe ji dest dabû û ji aliyê leşkeran ve bedena wê hatibû teşhîrkirin, li ser gora wê ew bibîr anî.
Hattap D. ê kurê hikumxwarê Doza N.Ç. Şeyhdavut D. û pismamê xwe Hasan D. tecawizî jinekê dikin û ev jin ducanî dimîne. Dozgeriyê got, “delîl tune ye.” Di testa DNA’yê de bavê zarok ê biyolojik Hattap D. derket.