Rêxistina DEEM Partiyê ya Îzmîrê têkildarî xebatên 1’ê Gulanê Cejna Karkeran li avahiya xwe ya li Konakê daxuyanî da. Di daxuyaniyê de pankarta “ji bo azadiya kedê û civaka demokratîk em biçin 1’ê Gulanê” hate hilgirtin. Her wiha dirûşma “Bijî 1’ê Gulanê” hate berzkirin. Hevseroka DEM Partiyê ya Îzmîrê Fulya Erdogan, diyar kir ku ew ê bi cisareta 8’ê Adarê û bi coşa Newrozê biherikin qadên 1’ê Gulanê. 

 

Fulya Erdogan, destnîşan kir ku rejîmên otorîter û zextker ên kapîtalîzmê afirandine ji bo berjewendiyên xwe cîhanê birêve dibin û bal kişand ser şerên bi salane li herêmê û cîhanê didomin. Fulya Erdogan, got ku herî zêde jin, zarok, xweza û kedkar dibin mexdûrên şeran. Fulya Erdogan, got ku ew di demeke krîzên ekolojîk, aborî û siyasî didomin de ber bi 1’ê Gulanê ve diçin. 

 

BANGA ABDULLAH OCALAN 

 

Fulya Erdogan, bal kişand ser banga dîrokî ya Rêberê Gelê Kurd Abdullah Ocalan û got ku ev bang, di mijara avakirina civaka demokratîk de berpirsyartiyeke mezin dixe ser milê çîna karker, kedkar û bindestan. Fulya Erdogan, got ku ew li dijî pergala kedxwar nerazî ne û got: “Civakek û welatekî adilane, aştiyane û demokratîk bi piştevaniya enternasyonal û şoreşger pêkan e.”

 

Fulya Erdogan got ku ew ê bi cisareta 8’ê Adarê û bi coş û hêviya Newrozê li qadên 1’ê Gulanê bin û banga tevlibûnê li her kesî kir.