Wezareta Karên Derve ya Iraqê bi daxuyaniyekê ragihand ku konsolxaneya wan ya li Stenbolê, hatiye gulebarankirin. Li gorî wezaretê 2 kesên nenas bi motorsiklêtê û bi çekên keleşînkofê gule berdane avahiya konsolxaneyê û reviyane.

 

Di daxuyaniya Wezareta Karên Derve ya Iraqê de wiha hat gotin: “8 gule li avahiyê ketine, piştî bûyerê konsolos û karmendên me gihiştin cihê bûyerê, piştre jî polîsên Tirk dest bi lêkolînê kirin. Derbarê bûyerê de em bi aliyên peywendîdar ên Tirkiyeyê re di nava têkiliyan dene.”