Duh bi pêşengtiya Partiya Herêmên Demokratîk (DBP) û Partiya Wekhevî û Demokrasiyê ya Gelan (DEM Partî) li Qada Stasyonê ya navçeya Bajarê Nû ya Amedê bi tevlibûna hezaran kesan mitînga “Ji bo aştiyê azadî” hate lidarxistin. Polîsan piştî mitîngê êrişî girseyê kir. Di êrişê de encamê Meclisa Ciwanan a DEM Partiyê Vedat Ozer birîndar bû û rakirin Nexweşxaneya Fakûlteyê ya Zanîngeha Dîcleyê. Ozer, li beşa lênihêrîna awarte ya Norolojiyê tê tedawîkirin. Hat zanîn ku di serê sibehê de careke din tomografiya mejiyê Ozer hatiye kişandin û xwîna diçe ser mejiyê wî sekinî ye. Hat zanîn ku rewşa Ozer zêde baş nîne û xetereya li ser jiyana wî didome. Hat ragihandin ku dê Ozer îro çavên xwe vekiriye û heta demekê din jî li beşa awarte were tedawîkirin. 

 

Parlamenterê DEM Partiyê Serhat Eren çû nexweşxaneyê û ev agahî parve kir: “Bijîk, gotibû ku 3 dilopên xwînê çûne ser mejiyê Vedat û xetereya li ser jiyana wî didome. Di serê sibehê de rontgenê wî hat kişandin. Piştî nîvro jî dê bijîşk agahiyên berfireh bide.” Eren, da zanîn ku nexweşê epîlepsiyê Ozer piştî êrişa bi bombeyên gazê ketiye erdê û ew ê pêvajoyê bişopînin. 

 

Malbat û hevalên Ozer jî li pêşiya nexweşxaneyê disekinin. 

 

Li hêla din dayika Ozer, Remziye Ozer li ser destûra bijîşkan karî li beşa lênihêrîna awarte kurê xwe bibîne.