Gundê Xezko yê Pulurê ku di salên 90'an de hatibû şewitandin û xerakirin û paşê wekî herêma "ewlehiyê" hatibû îlankirin, niha jî bi gefên şîrketa madenê re rû bi rû ye. Gundiyên ku ev çend salin tenê havînan tên gundên xwe, qada madenê naxwazin.
Pezkoviyên Geliyê Înê ji aliyê nêçirvanên "bibelge" ve tên kuştin. Şêniyên herêmê bertek nîşan dan û gotin: "Bila tevdîr bê girtin, yan na çi hewce be em ê bikin."
Li Cizîrê dûxana ji cihê ku çop lê tên valakirin bilind dibe asîmanên navçeyê dinixumîne. Welatiyên ji ber bêhnê nikarin îdare bikin, dixwazin cihê çop lê tê valakirin bê guherandin.
Nûnerên partiyên siyasî û rêxistinên sivîl bertek nîşanî faliyetên madenê yên di hundirê Parka Millî ya Munzurê de ku destûra wê hatiye dayîn, dan û gotin ew ê destûr nedin talana vê mîrasê.
Hêzên bi çek ên girêdayî Tirkiyeyê li gundê Kefer Nebû yên navçeya Şêrewa ya Efrînê 400 darên zeytûnan birîn.
Piştî salên dirêj keftarê bixet ku nesla wî li ber tunebûnê ye li herêma Zinarê Gewr a gundê Semkûlî yê Rihayê hat dîtin.
Li navçeya Geverê, herêma Nihêl a bi zil ku weke Bihuşta Çûkan tê zanîn dîsa şewat derket.
Li Şirnexê di 6 mehên dawî de li Cudî, Gabar û Bestayê 31 caran agir bi daristanan ket. Di van şewatan de bi hezaran dar şewitîn û çavkaniyên debarê yên gelê herêmê jî tune bûn.
Li gor rapora Platforma Mafê Hewaya Paqij, li Îdir, Mereş, Manîsa, Agirî û Duzceyê veguheriye pirgsirêkeke kronîk.
Gundê Hemka yê Elkê ku 2 sal in ava wan kêm bûye, îsal bi talankirina û wêrankirina xwezayê ya li herêmê re kaniyên heyî yên avê jî ziwa bûn. Gundiyên ku ji ber nebûna avê nikarin pezê xwe bînin malê gotin: "Hewa sar bû, lê em nikarin pezê xwe bînin. Pezê me perîşan bû. 4 hezar û 500 pez bê av e."
Şêniyên herêmê pengava ku tê xwestin li Dero Findikê ya Xozatê bê çêkirin wekî "qirkirina xwezayê" pênase kirin û gotin, dê nehêlin pengav bê çêkirin.
Li navçeya Elkê ev sal û nîvek e ji ber Şaredariya AKP'î projeya germavên Zumrutê ya şîfayê neqediyaye.
Ji ber nelihevkirina "maliyetê" ya di navbera DSÎ û Şaredariya Heskîfê de, nêzî 6 meh in ava bermayî ya Heskîfê diherike pengava bendavê.
Hevserokê KAYY-DER'ê Ahmet Tuzun, diyar kir ku li Çewligê "qirkirineke ekolojîk" rû dide û ji bo birîna daran jî got: "Ev yek perçeyek polîtîkaya ku herêm ji mirovan bê xalîkirine."
Ji ber hişkesaiyê û bendavên ku li serê hatine çêkirin ava Çemê Dîcleyê kêm bûye û masiyên têde dimirin.