Wezîrê Karên Derve yê DYA'yê Rex Tillerson û Wezîrê Karên Derve yê Tirkiye Mevlûd Çavuşoglu li Odela Palas a Enqereyê hatin cem hev. Wezîr Rex Tîllerson Tirkiye hişyar kir û diyar kir ku ger azadiya çapemeniyê, azadiya darazê û serdestiya hiqûqê hebe dê têkiliyên wan bidomin. Wezîr Tillerson, ji bo OHAL'ê jî Tirkiye hişyar kir û diyar kir ku girtî pir zêde ne.
Berdevkê Karên Derve yê PYD'ê Salîh Muslim, beşdarî konferansa li Cenevre bû û wiha got: "Tirkiye bi çekên ku Ewropa dane wan, xwîna me dirijîne. Em naxwazin welatên rojava li dijî Tirkiye şer bikin. Lê em dixwazin li gorî sincê hiqûqa navneteweyî tev bigerin."
Wezîrê Karê Derve yê DYA’yê Rex Tîllerson beriya bê Enqereyê daxuyanî da û got ku çekên giran yên ku DYA daye YPG’ê tune û çekên ku paşve ji YPG'ê bistîne tune ye.
Malbatên girtiyên siyasî ji bo Atena Daîmî û Gulrux Îbrahîm Îrayî yên ji Girtîgeha Evînê sîrgûnî Girtîgeha Rey hatin kirin çalaki pêk anîn rastî mudalixeyê hêzên leşkerî hatin.
Wezîrê Karên Derve yê DYA Rex Tillerson beriya Tirkiye ziyaret bike li Kuveytê axivî û fikara xwe ya li Bakurê Sûriye pêş dikeve anî ziman. Tillerson diyar kir ku operasyona Tirkiye ya li ser Efrînê bandora têkoşîna li dijî DAIŞ'ê kêm kiriye.
Li Afrîkaya Başûr, kesekî ku hat diyarkirina bi awayekî qaçax hewl daye heywanan nêçîr bike, şêr ew xwarine. Li gor daxuyaniyên polîsên herêmî tenê serê nêçirvan û çend perçeyên ji bedena wî mane.
Li Bolîvyayê di karnavala gerdîşiyî de teqînek çê bû. Hat ragihandin ku di teqînê de 8 kes mirine, zêdeyî 40 kes jî birîndar bûn.
Li balafirgeha Domodedovo ya Moskovayê balafira ku 71 rêwiyê wê hebûn ket.
Komîserê Bilind ê Mafê Mirovan ê NY'ê Zeîd Ra’ad Al Husseîn, aşkera kir ku di rojên dawî de li Sûriyeyê sivîl zêde tên kuştin, li Efrînê sivîl ji di na de gelek kesan jiyana xwe ji dest dane û raporên di vê der barê de di destên wan de hene.
Serokomarê Îranî Hesen Ruhanî operasyona Tirkiyeya ya li dijî Efrînê şîrove kir. Ruhanî, destnîşan kir ku operasyona leşkerî bêhûde ye.
UNÎCEF'ê diyar kir ku li Sûriye di mehekê de herî kêm 60 zarok hatin kuştin û wiha got: "Di êrîşa li ser Efrînê de nêzî 15 hezar mirov ji çoltarê koçî bajar kiriye."
Balafira şer a Rûsyayê li bajarê Îdlibê yê Sûriyeyê hat xistin.
Fermandarê DYA’yî Joseph Votel, der barê şerê QSD li Bakurê Sûriye dimeşîne xwest cîhan minetdarê QSD’ê be û wihagot: "Desteka me ya ji bo QSD’ê wê bidome.
Serokomarê Fransayê Emmanuel Macron, Tirkiye der barê Efrînê de hişyar kir û xwest operasyona li ser Efrînê nebe dagirkeriya Efrînê.
Heyeteke HDP'ê ya ji akademîsyen û parlamenteran pêk dihat, li meclîsa federal a Elman bi nûnerên partiyên siyasî re rûnişt û bal kişand ser rewşa Efrînê û xwest li dijî êrîşên li ser Efrînê bêdeng nemîne.