Bilindbûna maliyeta ketanê bû sedem ku cotkar demsalek din bi zirarê bigirin. Serokê Şaxa Çandinî Orkam Sen Nasir Demîrkiran, diyar kir ku sedema îflasê, encama polîtîkayên arizîkirinê ye.
150 karkerên ji Şaredariya Uskudarê ya AKP'î ji kar hatin avêtin, ji bo vegerin ser karê xwe bi rojan e têdikoşin. Karkeran, destnîşan kir ku di dema hilbijartinan de bi şev û biroj ji bo AKP'ê xebitîne û gotin: "Kesên me ew hilbijartin em ji kar avêtin."
Li Tirkiyeyê zem li ser zemê tê kirin. Welatiyên di vê krîza aborî de bi zor û heft bela debara xwe dikin, ji ber van zeman pişta wan şikiya. Welatiyan got: "Li vî welatî debar veguheriye hunerek performansê. Berdin debarê, em xwe bi erdê ve kaş dikin."
Polîsan li Çorlu, Tekîrdag û Çerkezkoyê bi ser şaxên Sendîkaya DEV-TESKSTÎL’ê de girtin û rêveberên sendîkayê jî di nav de 21 kes binçav kirin.
Karkerên Komeleya Mezûnên ODTU'yê ku hin daxwazên wan hatin bersivandin çalakiya xwe ya berdana kar bi dawî kirin û îro careke din dest bi karê xwe kirin.
Serokê Şaxa 1'ê ya TUMBELSEN a Îzmîrê Anil Kaçar, bilêv kir ku bi tayînkirina qeyûman qanûna bingehîn, hiqûq û demokrasî hatiye binpêkirin û got, li Tirkiyeyê têkoşîna ji bo kedê bi têkoşîna ji bo demokrasî û azadiyê ve girê dayiye.
Li Amedê 4 bijîjkên asîstan ku şana pisporiyê girtin, bi hinceta lêpirsîna ewlehiyê ji kar hatin derxistin. Rêxistinên tenduristiyê bi daxuyaniyekê diyar kirin ku pêkanîn hiqûqî nîne û rewşê şermezar kirin.
Rêveberiya Bajar a Mêrsînê ya HDK'ê li Mêrsînê strarta kampanya xebata krîza aborî da.
Serokê Şaxa ÎMO ya Wanê Îsmet Bîlmez, da zanîn ku li bajêr sektora înşeatê ji sedî 37 kêm bûye û ev rewş tesîrê li qadên din jî kiriye.
Li gorî lekolîn û îstatîstîkên Malên Gel, di salek dawî de ceyran ji sedî 60, Xaza xwezayî jî ji sedî 52 zem bûn.
Mexdûrên KHK'ê yên ji kar hatin avêtin, bi şîara “Em bi hevre bi hêz in" li Enqereyê kom dibin. Endezyarê Hewayê û hiqûqnas ê ji TSK'ê îxrac bûye, Levent Maziliguney, banga tevlêbûna civînê kir û wiha got: "Ev hevdîtin dikare bibe sedema peymaneke nû ya civakê."
Li Pirsûsa Rihayê Îbrahîm Halîl Akkûşê 70 salî, ji bo xwezayeke hêşîn şitlên bi xwe çandine belaş belav dike. Akkûş, bilêv kir ku mirov bi qirêjkirina xwezayê re bi destê xwe gora xwe dikolin û got: "Divê em xwedî li vê cîhanê derkevin, derdorê qirêj nekin."
Li Rihayê, 27 karker ji ber endamên sendîkayê bûn ji karê xwe yê muayenekirina wesayîtan a TUVTURK'ê hatibûn avêtin. Paşê karker ji bo vegerin ser karên xwe doz vekiribûn. 2 karker di dozê de bi ser ketin.
Çinîna birincê Qerejdaxê ku bi taybetmendiya xwe ya têrker û bitam tê zanîn, dest pê kir.
Endamê Hîndekarê Zanîngeha Kocaelî Doç. Dr. Azîz Çelîk, diyar kir ku karker nayin parastin û got: “Karker ji ber tirsa ji kar avêtin, naxwazin bibin endamên sendîkayan.”