Hevberdevka Polîtîkayên Perwerdeyê ya DEM Partiyê Îlknûr Bîrol bal kişand ser pirsgirêkên di qada perwerdeyê de û got ku tevî pêvajoyê jî gav nehatine avêtin û bi milyonan zarok ji mafê perwerdeya bi zimanê dayikê mehrûm in.
Polîsan êrişî CHP’iyên hatin pêşiya avahiya rêxistina Stenbolê. Di êrişê de herî kêm 10 kes hatin binçavkirin.
Hejmara nû ya rojnameya Xwebûnê bi manşeta “Li dijî rant û qirkirinê parastina jiyanê” gihîşt ber destê xwînerên xwe.
Li Îzmîrê li dijî qereqolê êrişa çekdarî hate kirin û di êrişê de 2 polîsan jiyana xwe ji dest dan.
Li navçeya Hesenkelehê ya Erziromê banê malekê tebiqî. Di bûyerê de 2 zarokan jiyana xwe ji dest dan û dayika wan jî bi giranî birîndar bû.
Sekinîna CHP’iyên li pêşiya avahiya rêxistina CHP’a Stenbolê ku di dorpêça polîsan de ye, didome.
Onder Poyraz ku di dema qedexeyên derketina kolanan ên li Cizîrê de bi birîndarî hate girtin, nehat tedawîkirin û mehkûmî erebeya astengdaran kirin. Hevjîna Poyraz, Fîrdevs Poyraz, got: “Êdî laşê wî çûye. Tekane daxwaza me tedawîkirina wî ye.”
Rojnameger Pinar Gayip û Hayrî Tunç ji bo 32’emîn Xelatên Rojnamegeriyê yên Mûsa Anter û Şehîdên Çapemeniya Azad bang kirin û ji bo pêşbirkê gotin: “Nîşaneya herî şênber a mezinbûna înada gihandina rastiya ya gel e.”
Gulseren Kaya ku yek ji 223 karkerên qeyûm ji kar derxistî ye, got: “Qeyûm xizmetê ne ji gel re, ji alîgirên xwe re dike. Ev gel jî vê qebûl nake.”
Rejîma Îranê yek ji girtiyên siyasî Mehran Behramiyan ku bi hinceta tevlibûna şoreşa “Jin, jiyan, azadî” girtibû, bi veşarî darve kir û bi dizikî defin kir.
Endamê HPG’ê Tamer Koç ku li Gareyê jiyana xwe ji dest dabû, li Enqereyê hat bibîranîn.
Mexdûrê erdhejê Alî Geçer ku bi mûçeyê xwe yê astengdariyê debara 5 kesan dike, ji ber ku ji waliyê daxwaza wî ya kar red kirî re got “Ka hûn werin bi mûçeyê astengdariyê mehekê debara xwe bikin”, mûçeyê wî yê astengdariyê hate birîn.
Feminîst a Amerîkayî Harriet Fraad, bi peyamekê ragihand ku piştgiriyê dide pêvajoya piştî banga Abdullah Ocalan hatiye destpêkirin û got: “Tekane tişta tê xwestin, ihtirima însanî ye û ev jî daxwazeke ‘radîkal’ nîne.”
Bi hezaran welatiyên ji Kantona Firatê bi daxwaza azadiya fîzîkî ya Rêberê Gelê Kurd Abdullah Ocalan meş li dar xistin.