Mûstafa Yavûz ku di salvegera mirina hevalê xwe Riza Altûn yê di kongreya PKK'ê de wekî sembola "Hevrêyê Azadiyê" hatibû binavkirin de axivî, got: "Ew pêşengê berxwedanan bû. Hem ji hêla pratîkî ve hem jî ji hêla îdeolojîk ve hevalekî jêhatî bû."
Cenazeyê endamê HPG'ê Alî Kemal Arslan ê ku 6 sal berê di pevçûnê de jiyana xwe ji dest dabû, li bajarê ku lê ji dayik bû hat definkirin.
Bi girseyî serdana şîna Agît Ertaş ê HPG'î yê hat eşkerekirin jiyana xwe ji dest daye, hat kirin.
Hevberdevka HDK’ê Meral Daniş Beştaşê xwest ÎHÎK li Girtîgeha Hejmar 1 a Dumluyê ku girtiyan digot rastî tundiya fîzîkî ya gardiyanan hatine, lêkolîn were kirin û li girîgehê venêrin were kirin.
Cezayê Hevşaredarê Colemêrgê Sidik Akiş ku li şûna wî qeyûm hatibû tayînkirin, bi sedema “Darizandin ne li gorî usûlê hatiye kirin, mafê parastinê hatiye bisînorkirin û xebatên partiya siyasî weke xebatên rêxistinê hatine nîşandan” hate betalkirin.
Şêniyên Rihayê daxwaza bicîhanîna biryara binpêkirina "mafê hêviyê" ya DMME'yê ya der barê Abdullah Ocalan de kirin û xwestin ku Komîsyona Meclisê jî pêşniyaza qanûneke li ser esasê hemwelatîbûna wekhev bike.
Meclisa Ciwanan a DEM Partiyê li dijî êrişa polîsan a li dijî posterên Abdullah Ocalan, gelek taxên Wanê bi posterên Abdullah Ocalan xemiland.
Buroya Hiqûqê ya Asrinê diyar kir ku hevpeyvîna wan ji hêla derdorên cuda ve hatiye berevajîkirin û got: “Îfadeyên ku dibêjin birêz Ocalan behsa DEM Partiyê dike û rexne kiriye, rast nînin.”
Danişîna doza rojnameger Mehmet Şahîn hat lidarxistin. Di danişînê de biryara qedexeya derketina derveyî welat nehate betalkirin.
MYK’a DEM Partiyê ji bo nirxandina geşedanên di rojevê de civiya.
2 hezar û 541 îmzeyên ku înîsiyatîfên li Bakur û Rojhilatê Sûriyeyê di çarçoveya kampanyaya “Dixwazim bi Abdullah Ocalan re hevdîtinê bikim” de kom kirin, ji Sekreterê Giştî yê NY’ê, CPT, Konseya Yektiya Ewropayê, Konseya Mafên Mirovan û Wezareta Edaletê ya Tirkiyeyê re hatin şandin.
Li navçeya Yenîşehîrê ya Mêrsînê bi ser malekê de hate girtin û ciwanê bi navê Sîpan Aysal hate binçavkirin.
Polîsên Fransayê bi ser Navenda Civaka Kurd a Demokratîk de girtin. Di serdegirtinê de 4 endamên komeleyê hatin binçavkirin.
Der heqê Şaredariya Bajarê Mezin a Enqereyê de lêpirsîna “konserê” hate vekirin. 13 kes di çarçoveya lêpirsînê de hatin binçavkirin.