Li eyaleta Hunanê ya li başûrê Çînê di febrîqeyeke fîşekên hewayî de teqîn çêbû. Di teqînê de 21 kesan jiyana xwe ji dest dan û 61 kes jî birîndar bûn. Li gorî nûçeya Xinhua'yê; teqîn li navçeya Liuyangê ya bajarê Çangşayê di febrîqeyeke fîşekên hewayî de çêbûye. Buroya Rêveberiya Rewşaên Awarte da zanîn ku 21 kes mirine û 61 kes jî birîndar bûne. Li cihê bûyerê komên agirkujiyê û rewşên lezgîn hatin sewqkirin. Xebatên lêgerîn û rizgarkirinê didomin. 

 

Serokê Dewletê yê Çînê Şi Cinping jî got divê xebatên lêgerîn-rizgarkirinê bên seferberkirin û piştî lêpirsînê hesab ji berpirsyaran were pirsîn.