Bertekên li dijî êrişên HTŞ, DAIŞ û komên paramîlîter ên girêdayî dewleta Tirk ên ser rojavayê Kurdistanê her ku diçe zêdetir dibin. Di vê çarçoveyê de li sêyemîn bajarê mezin ê Norweçê Trondheimê meş û mitîngeke mezin hat lidarxistin. 

 

Kurdên ji her çar parçeyên Kurdistanê tevli mitîngê bûn û êrişên ser Rojava protesto kirin.  Mitîng, duh li Qada Torg a Trondheimê dest pê kir. Di mitîngê de Kurd, dostên wan ên Norweçî û nûnerên partiyên siyasî axivîn û êrişên li ser Rojava şermezar kirin.

 

Tevî hewaya sar jî bi hezaran kes piştî mitîngê ber bi navenda bajêr ve meşiyan. Di meşê de dirûşmên “Bijî berxwedana Rojava”, “Kurdistan yek welat e”, “Ez li benda Rojava me” û “Jin, jiyan, azadî” hatin berzkirin.

 

Çalakî bi berzkirina dirûşman bi dawî bû.