
Di Şandeya Îmraliyê de ji kîjan partiyan dê kî cih bigire? 

2025-09-09 16:13:14


	ENQERE - Hat zanîn ku di şandeya tê payin dê li Girtîgeha Îmraliyê bi Abdullah Ocalan re hevdîtinê bike de nûnerên partiyên pêkhateyên DEM Partiyê jî cih bigirin.&nbsp;

	&nbsp;

	Partiya Wekhevî û Demokrasiyê ya Gelan (DEM Partî), ragihand ku dê hefteya pêş şandeyeke berfireh biçe Girtîgeha Tîpa F a bi Ewlekariya Bilind a Îmraliyê û bi Rêberê Gelê Kurd Abdullah Ocalan re hevdîtinê bike. Berdevka DEM Partiyê Ayşegul Dogan, diyar kir ku dê şandeyek berfireh biçe serdana Ocalan.&nbsp;

	&nbsp;

	Li gel endamên Şandeya Îmraliyê ya DEM Partiyê, her wiha dê Hevserokên Giştî Tuncer Bakirhan û Tulay Hatîmogûllari jî di şandeyê de cih bigirin. Hat zanîn ku dê nûnerên partiyên pêkhateyên DEM Partiyê û hin kesayet jî di şandeyê de cih bigirin.&nbsp;

	&nbsp;

	Hat zanîn ku nûnerên Partiya Herêmên Demokratîk (DBP), Partiya Sosyalîst a Bindestan (ESP), Partiya Jinûveavakirina Sosyalîst (SYKP), Partiya Şoreşger a Yekbûyî, Partiya Çep a Kesk (YSP) û nûnerên Platforma Piştevaniya Sosyalîst (SODAP) di şandeyê de cih bigirin. Lê hêj navên dê biçin serdanê diyar nebûne.&nbsp;

	&nbsp;

	MA / Omer Gungor &nbsp; &nbsp;

	&nbsp;

	&nbsp;

	&nbsp;

	&nbsp;