HPG: Êrişên Tirkiyeyê berdewam in  

2025-08-31 14:01:10


	NAVENDA NÛÇEYAN - HPG-NRÇ’ê ragihand ku tevî biryara wan a agirbestê jî êrişên Tirkiyeyê yên li dijî hêzên wan didomin. 

	Navenda Ragihandin û Çapemeniyê ya Hêzên Parastina Gel (HPG-NRÇ) ragihand ku tevî biryara wan a agirbestê jî êrişên dewleta Tirk ên li dijî hêzên wan berdewam in. 

	 

	Li gorî nûçeya ANF’ê; HPG’ê têkildarî êrişên di navbera 8-31’ê Tebaxê de ev agahî parve kir: 

	 

	“*Di 8’ê Tebaxê de Qada Berxwedanê ya Serê Metînayê 4 caran bi çekên giran hate bombekirin.

	 

	* Di 9’ê Tebaxê de dagirkeran hewl dan li cihekî nû yê li Qada Berxwedanê ya Serê Metînayê ya herêma Metîna bi cih bibin û bi çekên giran bombe li tunelan barandin. Bi teknîkê dest li dagirkeran hate werdan.

	 

	* Di 11'ê Tebaxê de Qada Deşta Kafya ya herêma Garê 5 caran bi çekên giran hate bombekirin.

	 

	* Di 18 û 19’ê Tebaxê de Qada Berxwedanê ya Girê Baharê ya li herêma Şehîd Delîl a Rojavayê Zapê 3 caran bi çekên giran hate bombebarankirin.

	 

	* Di navbera 8 û 31'ê Tebaxê de ÎHA û SÎHA bi rengekî zêde li ser herêmên Zap, Metîna, Xakurkê, Garê û Qendîlê geriyan û keşif kirin.”