
Bahçelî: Li bendê ne ku xebatên pêvajoyê heta dawiya salê temam bibin 

2025-08-10 13:29:37


	&nbsp;

	NAVENDA NÛÇEYAN - Serokê Giştî yê MHP’ê Devlet Bahçelî diyar kir ku ew li bendê ne xebatên têkildarî pêvajoyê heta dawiya salê temam bibin.&nbsp;

	&nbsp;

	Serokê Giştî yê MHP’ê Devlet Bahçelî, Serokê Lijneya Rêveber a Gulseven Medyayê Necat Gulseven û Gerînendeyê Weşanê yê Giştî yê Tv100’ê Denîz Gurel qebûl kir. Bahçelî, di serdana li navenda giştî ya MHP’ê de axivî û bal kişand ser girîngiya pêvajoya di çarçoveya çareseriya pirsgirêka Kurd de. Bahçelî, got ku piştevaniya hemû partiyên siyasî ya ji bo komîsyona li Meclisê hatiye avakirin girîng e.&nbsp;

	&nbsp;

	Bahçelî, destnîşan kir ku “Banga Aştî û Civaka Demokratîk” a Rêberê Gelê Kurd Abdullah Ocalan rê li ber geşedanên erênî vekiriye û ev tişt anî ziman: “Tunekirina çekan a PKK’ê helwestekî erênî ye. Weke MHP’ê ji bo aştî çêbibe em xebatên xwe jidil didomînin. Em li bendê ne ku xebatên têkildarî pêvajoyê heta dawiya salê temam bibin.”&nbsp;

	&nbsp;