
Kongreya NADA’yê di roja 2’yan de bi komxebatan dest pê kir 

2025-05-16 13:05:10


	&nbsp;

	SILÊMANIYE - Kongreya NADA’yê di roya duyemîn de didome. Jin, di komxebatan de li ser pirsgirêkan, tecrube û çareseriyê diaxivin.&nbsp;

	&nbsp;

	Kongreya Koalîsyona Jinên Demokratîk a Herêmî ji bo Rojhilata Navîn û Bakurê Efrîqayê (NADA) ku li Silêmaniye ya Herêma Federe ya Kurdistanê tê lidarxistin, di roja duyemîn de berdewam dike. Ji bilî komxebatan, Hevseroka Partiya Wekhevî û Demokrasiyê ya Gelan (DEM Partî) Tulay Hatimogullari jî dê di roja duyemîn a kongreyê de wekî axaftvan amade be.

	&nbsp;

	Di rûniştina yekemîn a roja duyemîn de komxebatên bi sernavên “Astengiyên sereke û derfetên li pêşiya rûniştandina xebatên hevbeş a jinan çi ne?", "Rola rêxistinên civaka sivîl di têkoşîna jinan de”, "Girîngî û tekeziya hevgirtinên jinan li hember neoliberalîzm û hevgirtinên baviksalar ên serdest ên dijminên jinan" û "Girîngî û tekeziya avakirin û xurtkirina mekanîzmayên xweparastinê ya jinan li hember pergala baviksalar a serdest" hatin lidarxistin.

	&nbsp;

	PÊŞNIYARÊN JI BO ÇAERSERIYÊ HATIN NÎQAŞKIRIN&nbsp;

	&nbsp;

	Jinên ku li gorî sernavên komxebatan li koman hatin dabeşkirin, li ser girîngiya tifaqên jinan û her weha şêweyên parastina xwe nîqaş kirin. Jinên ku bi hejmareke mezin di komxebatan de axivîn, girîngiya parastina xwe û pêşniyarên xwe ji bo ka divê jin çawa li dijî şer têkoşînê bikin, rêz kirin.

	&nbsp;

	Di rûniştina duyemîn de jî dê mijarên weke "Derketineke siyasî ya jinan bi vîzyoneke yekgirtî (Tora Jinan ji bo Aştiyê)”, “Rola Hevgirtina NADA di rûniştandina Konfederasyona Jinan a Demokratîk a cîhanî de”, “Şoreşa jinan weke bersivdaneke li hember pirsgirêkên demê” û “Rola Pêşeng û bingehîn a Jinan di Înîsiyatîfa Aştî û Civaka Demokratîk de” bên nîqaşkirin.

	&nbsp;