
Hunermendan piştgirî dan bangê: Em amade ne erka xwe pêk bînin 

2025-03-04 11:14:13


	&nbsp;

	AMED - Kedkarên çand û hunerê piştgirî dan banga Abdullah Ocalan û gotin: “Em amade ne ku erk û berpirsyartiya dikeve ser milê me pêk bînin.”&nbsp;

	&nbsp;

	Kedkarên çand û hunerê têkildarî banga “Aştî û Civaka Demokratîk” a Rêberê Gelê Kurd Abdullah Ocalan, li Komeleya Çand Hunerê ya Dîcle Firatê daxuyanî dan. Gelek hunermend tev li daxuyaniyê bûn. Kurdiya daxuyaniyê ji hêla şanoger Omer Şahîn û ya bi Tirkî ji hêla wênesaz Neşe Toprak ve hate xwendin.&nbsp;

	&nbsp;

	‘EM XWEDÎ LI BANGA OCALAN DERDIKEVIN’

	&nbsp;

	Omer Şahîn, diyar kir ku weke hunermendên ku bi hêza hunerê bawer in û armanca wan aştiya civakî ye, piştgiriyê didin banga “Aştî û Civaka Demokratîk” &nbsp;a Rêberê Gelê Kurd Abdullah Ocalan a di 27’ê Sibatê de. Şahîn, wiha domand. “Huner ziman û wijdanê gelan e. Em hunermend in ku berhemên ku êşa mirovan sivik dikin, hêviyên wan mezin dikin û daxwazên wan ên azadiyê diyar dikin derdixin holê. Ji ber vê yekê em Bangawaziya Sedsalê ya ji bo rawestandina şer, pevçûn û dubendiya civakî bi qîmet dibînin. Em banga aştî û civaka demokratîk a ji aliyê Birêz Abdullah Ocalan ve hatiye destpêkirin xwedî derdikevin.”

	&nbsp;

	‘EM AMADE NE KU JI BO CIVAKÎKIRINA AŞTIYÊ ERKA XWE PÊK BÎNIN’

	&nbsp;

	Di berdewamê de Şahîn bi lêv kir ku avakirina pergala civakî ya demokratîk ku li ser rêgezên azadî, wekhevî û dadê hatiye avakirin, berpirsyariya wan hemûyan e û wiha pê de çû: “Em weke hunermend di vê pêvajoyê de bi rola xwe dizanin û ji gelê xwe re radigihînin ku em amade ne bi hemû hêza xwe ya hunerê re ji bo civakîkirina aştiyê erka xwe pêk bînin.

	&nbsp;

	BANGA BERPIRSYARTIYÊ KIRIN&nbsp;

	&nbsp;

	Şahîn, wiha bi dawî kir: “Di vê pêvajoyê de em careke din diyar dikin ku divê hikûmet bi hesasiyeta birêz Ocalan a ji aştiyê re bi heman hesasiyetê nêzîk bibe. Û wek yek ji muxatabên vê bangê em berpirsyariya bingehîn a dewletê tînin bîra wê. Em girîngiyê didin bingeha hiqûqî û siyasî ya ku birêz Ocalan destnîşan kiriye. Em dizanin ku tenê li ser wê zemînê em hunermendên Kurd dikarin bi azadî huner, ziman û çanda xwe bijîn. Di vê çarçoveyê de em bang li hemû aliyên civakê dikin ku perspektîfa Aştî û Civaka Demokratîk a ku birêz Abdullah Ocalan aşkera kiriye; bi berpirsyarî rabin. &nbsp;Em ji bo dahatuyeke azad a ku din ava aştiyek bi rûmet de geş dibe li vir in û heta avakirina civakek demokratîk em ê têkoşîna xwe bidomînin.”&nbsp;

	&nbsp;

	Daxuyanî, bi çepikan bi dawî bû.&nbsp;

	&nbsp;