
‘Heke derdorên cuda înîsiyatîfê bigirin dê pêvajo bêhtir mayinde be’ 

2025-03-04 11:02:52


	&nbsp;

	STENBOL - Parlamentera DEM Partiyê Newroz Uysal diyar kir ku di serî de jin û ciwan heke derdorên cuda înîstiyatîfê li xwe bigirin dê çareserî bêhtir mayinde bibe û got: “Pêvajoyeke krîtîk û berpirsyartiya wê mezin li pêşiya me ye.”&nbsp;

	&nbsp;

	Parlamentera Partiya Wekhevî û Demokrasiyê ya Gelan (DEM Partî) ya Şirnexê Newroz Uysal Aslan têkildarî banga “Aştî û Civaka Demokratîk” a Rêberê Gelê Kurd, abirbesta ji hêla PKK’ê ve hatiye ragihandin û nîqaşên ser pêvajoyê axivî. Newroz Uysal Aslan, got ku di vê pêvajoyê de pratîkên îktîdarê gelek girîng in.&nbsp;

	&nbsp;

	Newroz Uysal Aslan, anî ziman ku ji bo rewşên Abdullah Ocalan di banga xwe de behs dike pêk bên û mayinde bibin, hewceye di mijarên “siyaseta demokratîk” û “zemîna hiqûqî” de pêşketin çêbibin. Newroz Uysal Aslan, wiha got: “Tişta em weke siyaseta demokratîk jê re dibêjin ne tenê AKP, MHP û DEM Partî ye. Qala Meclisê tê kirin ku hemû partiyên siyasî tê de cih digirin, gel li wir siyasetê diafirîne û xwedî rola çêkirina makezagon û qanûnan e. Lewma jî ev bang ne tenê yekalî ye. Berevajî vê, ji bo hemû aliyan e û bangekî ji bo muxatabên wê ye. Lewma divê muxatabên wê berpirsyartiya xwe bicih bînin û ji bo xurtkirina pêvajoyê tevbigerin. Tişta weke zemîna hiqûqî tê behskirin jî ew e ku Meclis ji hêla makezagon û qanûnan ve gavan biavêje. Ku birêz Ocalan jî di peyama xwe de dibêje ‘Ez amade me berpirsyartiyê li xwe bigirim.’”&nbsp;

	&nbsp;

	'TIŞTÊN KU DÊ ÎKTÎDAR BIKE KRÎTÎK IN’&nbsp;

	&nbsp;

	Bi domdarî Newroz Uysal Aslan bi lêv kir ku dê nexşerêya dewletê û polîtîkayên şer-pevçûnan rêgeha pêvajoyê diyar bikin û wiha pê de çû: “Rojên pêşiya me gelek krîtîk in. Bêguman ev pêvajo gelek girîng e. Ji bo alî berpirsyartiyên xwe bicih bînin hewcehî bi demê û derfetan heye. Ev ne meseleyeke yek du rojan e. Helwesta birêz Ocalan a ji bo çareseriyê, avakirina PKK’ê, guherîna wê ya bi demê re di bangê de cih girt. Dewltê ev veguherîn, paradîgma û bang dît û ji vir û şûnde tişta ku dê pêşeroja pêvajoyê diyar bike jî kiriyar û aqilê îktîdarê ye.”&nbsp;

	&nbsp;

	'TEVGERA KURD BI ÇARESERIYÊ RE YE’&nbsp;

	&nbsp;

	Newroz Uysal Aslan, destnîşan kir ku gelê Kurd ji salên 90’î ve her tim rêya siyaseta demokratîk ceribandiye û wiha dirêjî da axaftina xwe: “Lê dewletê bi polîtîkayên zextê bersiv da. Tevgera Kurd bi pratîkên weke girtina partiyên siyasî, qedexe, operasyon, şerê giran re rû bi rû ma. Helwesta gelê Kurd û tevgera Kurd zelal e ku ew jî siyaseta demokratîk û zemîna hiqûqî ye. Sedema domandina vê rewşê, siyaseta qedexeker, tunekirina azadiyan û înkarê ya dewletê bû.”&nbsp;

	&nbsp;

	'DIVÊ DÎNAMÎKÊN CUDA TEV LI PÊVAJOYÊ BIKIN’&nbsp;

	&nbsp;

	Newroz Uysal Aslan, tecrûbeyên pêvajoyên aştiyê yên cîhanê bi bîr xist û axaftina xwe wiha qedand: “Biqasî aliyên pêvajoyê, bang û pozîsyona wan, her wiha pêdivî bi tevlikirina pêvajoyê ya derdorên cuda jî heye. Di serî de jin û ciwan, divê derdorên cuda di pêvajoyê de xwedî înîstiyatîf bin ku pêvajo bêhtir mayinde bibe. Divê aştî û çareserî veguhere meseleya civakê. Ji bo vê jî tiştên ku em bikin gelek zêde ne û li pêşiya me pêvajoyeke giran, krîtîk û berpirsyartiyên wê mezin heye.”&nbsp;

	&nbsp;

	MA / Yeşîm Tukel&nbsp;

	&nbsp;