ROJEVA 17'Ê SIBATA 2025'AN

2025-02-17 09:00:24


	 

	* Hevseroka Giştî ya SYKP'ê Feray Mertoglû diyar kir ku derfeta aştiyê çêbûye û divê bi insafa îktîdarê re neyê hiştin û got: "Divê civakî bibe. Heke em bikarin tevgereke xurt a muxalîf ava bikin, em ê bikarin berê aştiyê bidin rêgeheke rast." 

	 

	* Welatî û nûnerên saziyan ên Îzmîrê bertek nîşanî xespkirina îradeyê dan û gotin: "Qeyûm ne tenê pirsgirêka Kurdan e, pirsgirêka demokrasiyê ye. Divê em bi hev re dengê xwe derxînin, ji bilî vê rêyeke me nîne. Em mecbûr in di navbera Wan û Îzmîrê de pirekê ava bikin." 

	 

	* Seroka Giştî ya Înîsiyatîfa Maf Fatma Bostan Unsal diyar kir ku ji bo aştiyê firsendeke nû ava bûye û got: "Divê civaka sivîl û tevahiya civakê zextê li siyasetmedaran bike ku gavan biavêjin." 

	 

	* Ji endamên Hewldana Civakî ya ji bo Aştiyê Akin Bîrdal diyar kir ku divê pirsgirêka Kurd bi rêbazên aştiyê çareser bibe û got: "Em ê ji bo biçin Girava Îmraliyê serlêdanê bikin. Divê deriye tecrîdê li demokrasi û aştiyê were vekirin." 

	 

	* Prof. Dr. Şebnem Korur Fînanci bal kişand ser polîtîkayên îktîdarê û got: "Gelo dê ev nîqaşên ser pirsgirêka Kurd veguherin pêvajoya çareseriyê û dê aştî bibe? Ez mecbûr im bibêjim ku di vê mijarê de bihêvî nînim." 

	 

	*  Nûnerê Rihayê yê Rojnameya Ozgur Gundemê Kemal Kiliç hatibû qetilkirin. Birayê Kiliç, Mahmût Kiliç, got: "Yên ku 32 sal berê Kemal qetil kirin ew kes in ên îro Cîhan, Nazim, Azîz û Egîd qetil kirin." 

	 

	* Çalakî û xwepêşendanên li dijî tayînkirina qeyûm a Şaredariya Bajarê Mezin a Wanê tên li darxistin dê bên şopandin. 

	 

	* Danişîna doza nûçegihana JINNEWS'ê Şehrîban Aslan ku bi îdiaya "binpêkirina nepeniya jiyana taybet" tê darizandin, dê li 16'emîn Dadgeha Cezayên Giştî ya Amedê bê lidarxistin. (11.00)

	 

	* Şandeya CHP'ê dê li Wanê çendek serdanan bike. (11.00-17.00)

	 

	* Li Wan û Stenbolê dê tayînkirina qeyûman bê protestokirin. (18.00-18.30)