
Gelê Kurd û dostên wan ji bo ‘Azadiya Ocalan’ li Strasbourgê ne 

2025-02-15 12:07:57


	NAVENDA NÛÇEYAN - Ji bo meş û mitînga bi boneya salvegera komploya navneteweyî ya 15’ê Sibatê dê li bajarê Fransayê Strasbourgê bên lidarxistin, Kurdistanî û dostên wan kom dibin.&nbsp;

	Ji bo meş û mîtînga ku wê bi wesîleya salvegera 26’an a Komploya Navneteweyî ya 15’ê Sibatê ya li dijî Rêberê PKK’ê Abdullah Ocalan li bajarê Strasbourg ê Fransayê bê lidarxistin, Kurdistanî kom dibin.

	&nbsp;

	Ji bo çalakiya ku bi hefteyane amadekariya wê tê kirin, Kurdistanî û dostên wan ji çar aliyên Ewropayê hatin û di serê siharê de gihiştin bajêr. Ji bo çalakiyê cade hatin girtin. Komîteya amadekar jî bi ewlehiya qadê ve mijûl dibe.

	&nbsp;

	Bi hezaran kes bi otobusa ji bajarên dûr hatin û li Lyon û Metz’ê kom bûn. Gel diherike qadê û dirûşmên “Bijî Serok Apo”, “Bê Serok jiyan nabe” û “Bijî berxwedana Kobanê” berz dikin. Komplo, tê şermezarkirin.

	&nbsp;

	Daxwaza esas a meş û mitînga di çarçoveya pêngava “Ji Ocalan re azadî, ji pirsgirêka Kurd re çareseriya demokratîk” de azadiya fîzîkî ya Abdullah Ocalan e.&nbsp;

	&nbsp;

	Tê payin ku gel saet di 12.00'ê de ber bi qada mitîngê Parc de l'Etoileyê ve dest bi meşê bike.&nbsp;

	&nbsp;